தங்கம் விலை உயர்வு; வெள்ளி விலை புதிய உச்சம் - இன்றைய நிலவரம்!

சென்னை: சென்னையில் 22 காரட் ஆபரணத் தங்கத்தின் விலை இன்று (டிச.10) பவுனுக்கு ரூ.240 உயர்ந்துள்ளது. வெள்ளி விலை கிலோவுக்கு ரூ.8,000 அதிகரித்து புதிய வரலாற்று உச்சத்தைத் தொட்டுள்ளது.

சர்​வ​தேச பொருளா​தார சூழல், அமெரிக்க டாலருக்கு நிகரான இந்​திய ரூபா​யின் மதிப்பு ஆகிய​வற்​றின் அடிப்படை​யில், தங்​கத்​தின் விலை நிர்​ண​யிக்​கப்​படு​றது. அமெரிக்​கா​வில் இறக்​குமதி செய்​யப்​படும் இந்திய பொருட்​களுக்கு 50 சதவீதம் வரி விதிப்​பு, அமெரிக்க டாலருக்கு நிக​ரான இந்​திய ரூபாயின் மதிப்பு சரிவு உள்ளிட்ட காரணங்​களால், தங்​கம் விலை உயர்ந்​தும், குறைந்தும் வருகிறது.

அந்த வகையில் தங்கம் விலை இன்று கிராமுக்கு ரூ.30 உயர்ந்து, ஒரு கிராம் ரூ.12,030-க்கும், பவுனுக்கு ரூ.240 உயர்ந்து ஒரு பவுன் ரூ.96,240-க்கும் விற்பனை செய்யப்படுகிறது.

வெள்ளி விலை வரலாறு காணாத புதிய உச்சத்தைக் கண்டுள்ளது. அதன்படி இன்று, வெள்ளி விலை கிராமுக்கு ரூ.8-ம், கிலோவுக்கு ரூ.8 ஆயிரமும் உயர்ந்து, ஒரு கிராம் ரூ.207-க்கும், ஒரு கிலோ ரூ.2 லட்சத்து 7 ஆயிரத்துக்கும் விற்பனை ஆகிறது.

டிச 1 தொடங்கி இன்று வரை தங்கம் விலை நிலவரம்: ( ஒரு பவுன் )

10.12.2025- ரூ.96,240

09.12.2025- ரூ.96,000

08.12.2025- ரூ.96,320

07.12.2025- ரூ.96,320  

06.12.2025- ரூ.96,320

05.12.2025- ரூ.96,000

04.12.2025- ரூ.96,160

03.12.2025- ரூ.96,480

02.12.2025- ரூ.96,320

01.12.2025- ரூ.96,560

இதன்படி கடந்த 10 நாட்களாக தங்கம் விலை பவுனுக்கு அதிகபட்சமாக டிச.1 அன்று ரூ.96,560-க்கும், குறைந்தபட்சமாக டிச.5 மற்றும் 9 தேதிகளில் ரூ.96,000-க்கும் விற்பனையாகியுள்ளது. தங்கம் விலை இந்த ஆண்டு இறுதிக்குள் பவுன் ரூ.1 லட்சத்தை எட்டும் என்று கணிக்கப்பட்ட நிலையில், தற்போது ரூ.96 ஆயிரம் வரை நெருங்கியுள்ளது நடுத்தர வர்க்க மக்களை அதிர்ச்சிக்கு உள்ளாக்கியுள்ளது.