புதுடெல்லி: ஜூலை மாதத்தில் மொத்த நிலக்கரி உற்பத்தி 11.37% அதிகரித்து 60.42 மில்லியன் டன்னாக இருந்தது என்று மத்திய நிலக்கரி அமைச்சகம் தெரிவித்துள்ளது.
கடந்த ஆண்டு இதே ஜூலை மாதத்தில் நிலக்கரி உற்பத்தி 54.25 மில்லியன் டன்னாக இருந்தது. நாட்டில் மொத்தமுள்ள 37 முன்னணி நிலக்கரி சுரங்கங்களில் 24 சுரங்கங்களில் இந்த ஆண்டு ஜூலை மாதம் நிலக்கரி 100 சதவீதம் உற்பத்தி செய்யப்பட்டது. மற்ற 7 சுரங்கங்களில் 80 முதல் 100 சதவீதத்திற்குள் நிலக்கரி உற்பத்தி நடைபெற்றுள்ளது.
அதே நேரத்தில் நிலகரி விநியோகமும் ஜூலை மாதத்தில் 8.51 சதவீதம் அதிகரித்து 67.81 மில்லியன் டன்னாக உயர்ந்திருந்தது. இது 2021 ஆண்டில் 62.49 மில்லியன் டன்னாக இருந்தது.