ட்விட்டர் நிறுவனத்தின் தலைமைச் செயல் அதிகாரியாக ஜாக் டோர்சே நியமிக்கப்பட்டுள்ளார். தற்போது தற்காலிக தலைமைச் செயல் அதிகாரியாக இருக்கும் இவர் மீண்டும் தலைமைச் செயல் அதிகாரியாக நியமிக்கப்பட்டுள்ளார். ட்விட்டர் நிறுவனத்தின் நிறுவனரும் இவரே. 2007-ம் ஆண்டு நிறுவனத்தை தொடங்கினார்.
முந்தைய தலைவர் டிக் காஸ்டோலோ கடந்த ஜூலை 1-ம் தேதி பதவி விலகியதை அடுத்து புதிய சிஇஒவாக இவர் நியமிக்கப்பட்டுள்ளார். தவிர நிறுவனத்தின் சர்வதேச வருவாய் பிரிவுத் தலைவர் ஆடம் பெய்ன் தலைமைச் செயல்பாட்டு அதிகாரியாக நியமிக்கப்பட்டிருக்கிறார். இவரது நியமனத்தை அடுத்து ட்விட்டர் பங்குகள் 7 சதவீதம் அளவுக்கு உயர்ந்துள்ளது.
ட்விட்டர் பங்கு ஐபிஓ வெளியீட்டு விலைக்கு மேலே தற்போது வர்த்தகமாகி வருகிறது.