ஸ்டேட் பேங்க் ஆப் இந்தியாவின் (எஸ்பிஐ) நிகர லாபம் 134 சதவீதம் உயர்ந்து ரூ.2,610 கோடியாக இருக்கிறது. கடந்த ஆண்டு இதே காலத்தில் ரூ.1,115 கோடியாக இருக்கிறது. நிகர வட்டி வருமானம் 8 சதவீதம் உயர்ந்து ரூ.14,751 கோடியாக இருக்கிறது. கடந்த ஆண்டு இதே காலத்தில் ரூ.13,697 கோடியாக இருந்தது.
வங்கியின் இதர வருமானம் 59 சதவீதம் உயர்ந்து ரூ.9,662 கோடியாக இருக்கிறது. கடந்த ஆண்டு இதே காலத்தில் ரூ.6,087 கோடியாக இருக்கிறது.
வங்கியின் மொத்த வாராக்கடன் 7.23 சதவீதமாக இருக்கிறது. கடந்த ஆண்டு இதே காலத்தில் 5.10 சதவீதமாக இருந்தது. வாராக்கடனுக்காக ஒதுக்கீடு செய்த தொகை குறைந்திருக்கிறது. கடந்த ஆண்டு இதே காலத்தில் ரூ.7,645 கோடியாக ஒதுக்கீடு செய்த தொகை இப்போது ரூ.7,243 கோடியாக இருக்கிறது. வங்கியின் டெபாசிட் 22 சதவீதம் உயர்ந்து ரூ,.20,40,778 கோடியாக இருக்கிறது. ஆனால் கடன் வளர்ச்சி விகிதம் 4 சதவீதம் மட்டுமே உயர்ந்திருக்கிறது.