தேர்தலுக்கு முன்பாக கசிந்த நாட்டின் வேலைவாய்ப்பின்மை விகிதம் குறித்த தரவு தற்போது உறுதி செய்யப்பட்டுள்ளது. வேலைவாய்ப்பின்மை விகிதம் கடந்த 45 ஆண்டுகளில் இல்லாத அளவுக்கு அதிகரித்துள்ளது.
மே 31ம் தேதி அரசு தரவுகளின் படி வேலையின்மை விகிதம் 2017-18-ல் 6.1% ஆக உள்ளது, இது கடந்த 45 ஆண்டுகளில் இல்லாத அளவுக்கு அதிகமான வேலைவாய்ப்பின்மை விகிதமாகும்.
மொடி 2.0 அமைச்சரவை இன்று பொறுப்பேற்ற பிறகு தொழிலாளர் அமைச்சகம் இந்த வேலையின்மை விகிதத் தரவுகளை வெளியிட்டுள்ளது.
அதாவது நகர்ப்புறத்தில் வேலையில் அமர்த்தக்கூடிய தகுதியுடைய அனைத்து இளைஞர்களில் 7.8% வேலையில்லாமல் இருந்து வருகின்றனர். கிராமப்புறத்தில் இதே விகிதம் 5.3% ஆக உள்ளது.
இந்தியா முழுதும் வேலையில்லாமல் தவிக்கும் ஆண்களின் விகிதம் 6.2% ஆகவும் பெண்களின் விகிதம் 5.7% ஆகவும் உள்ளது என்கிறது தொழிலாளர் அமைச்சகத் தரவுகள்.