உலகில் வாழும் அனைவருமே ஒரு வகையில் உழைப்பாளிகள்தாம். ஆனால் ஒவ்வொருவரின் உழைப்பிலும், செய்யும் தொழிலிலும் வேறுபாடு இருக்கிறது. ஏசி அறையில் அமர்ந்து விசைப்பலகைப் பொத்தான்களைத் தட்டி உலகின் இன்னொரு மூலையைத் தொடர்பு கொண்டு செய்து முடிப்பவரும் உழைப்பாளர்தான். ஒற்றைக் கூரையின் கீழ் தன் உடல் உழைப்பையே மூலதனமாகக் கொண்டு வேலை பார்ப்பவரும் உழைப்பாளர்தான்.
அறுபதே நொடிகளில், அறுபது விதமான தொழில்களைச் செய்யும் உழைப்பாளர்களைக் காட்சிப்படுத்தி இருக்கிறது இக்காணொளி.
வெகு விரைவாய் நகர்கின்ற காட்சிகளினூடாக உழைப்பாளர்கள் செய்யும் வேலையின் ஒலியே, துல்லியமான பின்னணி இசையாகக் காணொளி முழுவதும் இழைந்தோடி இருக்கிறது. கச்சிதமான படத்தொகுப்பு இக்காணொளியின் மற்றொரு பலம்.
மே 1, சர்வதேச உழைப்பாளர் தினம். நம்முடைய அன்றாட வாழ்க்கையின் அலுவல்களுக்கு இன்றியமையாமல் இருக்கும் இவர்களை இந்த தினத்தில் கொண்டாடி மகிழலாமே!
</p><p xmlns="">ஸ்லிங்ஷாட்ஸ் என்னும் விளம்பரப் பட தயாரிப்பு நிறுவனம் இக்காணொளியை வெளியிட்டிருக்கிறது.</p>