கிறிஸ்துமஸ் பண்டிகை மற்றும் விடுமுறை சீசன் தொடங்குவதை முன்னிட்டு கூகுள் டூடுல் வெளியிட்டுள்ளது.
இன்னும் சில தினங்களில் கிறிஸ்துமஸ் சீசன் விடுமுறைகள் தொடங்க உள்ளன. இதனை முன்னிட்டு கூகுள் தனது முகப்புப் பக்கத்தில், தனது பயன்பாட்டாளர்களைக் கவரும் வகையில் டூடுல் வெளியிட்டுள்ளது.
முகப்புப் பக்கத்தில், பென்குவின்கள் மற்றும் கிளி ஒன்று விடுமுறை சீசனை கொண்டாடும் வகையில் தொலைபேசியில் உரையாடுகின்றன.
அதனை க்ளிக் செய்தால் அடுத்த பக்கத்தில் பென்குவின்கள் தங்களது நண்பர்களைக் காண தங்களது உடைமைகளை எடுத்துக்கொண்டு புறப்படும் டூடுலும், வாழ்த்துக் கடிதம் வாசிக்கும் டூடுலும் இடப்பெற்றுள்ளன.
இந்த டூடுல் குறித்து கூகுள் நிறுவனம், "விடுமுறை சீசன் தொடங்கிவிட்டது. இந்த உடன்பிறப்புகள் (பென்குவின்கள்) இந்த சீசனை தங்களது உறவினர்களுடன் கொண்டாட மிகுந்த உற்சாகமாக உள்ளன. அடுத்த இரண்டு வாரங்களுக்கு அவை புரியும் வேடிக்கையைப் பார்க்க காத்திருங்கள்" என்று கூறியுள்ளது.