மேஷம்: குடும்பத்தில் நிலவி வந்த குழப்பம் மறையும். பிள்ளைகளால் பெருமையடைவீர். நல்லவர்களின் நட்பு கிட்டும். உத்தியோகத்தில் உயரதிகாரி நேசக்கரம் நீட்டுவார். வியாபாரத்தில் எதிர்பார்த்த லாபம் உண்டு.
ரிஷபம்: வெளிவட்டாரத்தில் மகிழ்ச்சி தங்கும். கேட்ட இடத்தில் பணம் கிடைக்கும். குழப்பம் நீங்கி தெளிவு பிறக்கும். தள்ளிப் போன விஷயங்கள் உடனே முடியும். தொழிலில் போட்டி குறையும். உத்தியோகம் சிறக்கும்.
மிதுனம்: வீண் குழப்பங்கள், அலைச்சல் அதிகரிக்கும். கணவன் மனைவிக்குள் விட்டுக் கொடுத்து போகவும். வியாபாரத்தில் பாக்கிகளை நிதானமாக வசூலிக்கவும். அலுவலகத்தில் யாரையும் பகைத்துக் கொள்ளாதீர்.
கடகம்: புதியவர்கள் நண்பர்களாவார்கள். கொடுக்கல் வாங்கலில் சுமுகமான நிலை காணப்படும். அலுவலக ரீதியாக பயணம் மேற்கொள்வீர். வியாபாரத்தில் புது வாடிக்கையாளர்களால் சரக்குகள் விற்றுத் தீரும்.
சிம்மம்: வெளிவட்டாரத்தில் புதியவர்களின் நட்பு கிடைக்கும். தள்ளிப் போன வழக்கில் சாதகமான தீர்ப்பு வரும். அரசு காரியங்கள் விரைந்து முடியும். புதியவர்கள் அறிமுகமாவார்கள். வியாபாரம், உத்தியோகம் சிறக்கும்.
கன்னி: பழைய பிரச்சினைக்கு புது தீர்வு கிடைக்கும். அதிகாரப் பதவியில் இருப்பவர்கள் அறிமுகமாவார்கள். அலுவலகத்தில் எதிர்பார்த்த சலுகை கிடைக்க பெறுவீர். வியாபாரத்தை பெரிய அளவில் விரிவுபடுத்துவீர்கள்.
துலாம்: விருந்தினர் வருகையால் வீட்டில் மகிழ்ச்சி பொங்கும். உடன்பிறந்தவர்கள் உங்கள் வேலைகளை பகிர்ந்து கொள்வர். அதிகாரப் பதவியில் இருப்பவர்கள் உதவுவர். வியாபாரம், உத்தியோகத்தில் ஏற்றம் காண்பீர்.
விருச்சிகம்: குடும்பத்தில் செலவுகள் வரும். அக்கம் பக்கத்தினருடன் அளவாக பழகவும். வியாபாரத்தில் ஓரளவு லாபம் உண்டு. அலுவலகத்தில் வீண் விவாதம் வேண்டாம். பணிகளை முடிக்க முடியாமல் திணருவீர்.
தனுசு: குடும்பத்தில் மகிழ்ச்சி பொங்கும். பணவரவு உண்டு. எதிலும் கூடுதல் எச்சரிக்கையுடன் இருப்பது நல்லது. அலுவலகத்தில் மேலதிகாரியை பகைத்துக் கொள்ளாதீர்கள். வியாபாரத்தில் போட்டிகள் நீங்கும்.
மகரம்: மின் சாதனங்களை மாற்றி அமைக்கும் முயற்சிகளில் இறங்குவீர். பழைய கடனை நினைத்து வருந்தாதீர். புதுவழி பிறக்கும். உத்தியோகம் சிறக்கும். வியாபாரத்தில் பங்குதாரர்களின் ஆதரவு கிடைக்கும்.
கும்பம்: தொட்டது துலங்கும். தடைகள் நீங்கும். அரசு சம்பந்தப்பட்ட காரியங்கள் உடனடியாக நிறைவேறும். வியாபாரத்தில் லாபமுண்டு. அலுவலகரீதியாக வெளியூர் பயணங்கள் மேற்கொள்ள வேண்டியிருக்கும்.
மீனம்: தம்பதிக்குள் இருந்த மனக்கசப்பு விலகும். பணவரவு உண்டு. புது முயற்சிகளில் ஆர்வம் காட்டுவீர். வியாபாரத்தில் சரக்குகள் விற்றுத் தீரும். அலுவலகத்தில் யாரைப் பற்றியும் குறை கூறிக் கொண்டிருக்காதீர்கள்.