மேஷம்: கணவன் - மனைவிக்குள் ஒருவருக்கொருவர் அனுசரித்து போவது நல்லது. ஆடம்பரச் செலவுகளால் சேமிப்புகள் கரையும். சகோதரர் வகையில் மனத்தாங்கல் வரும்.
ரிஷபம்: ஆன்மிகப் பெரியோரின் ஆசி கிட்டும். பழைய கடனை பைசல் செய்வீர்கள். நெருங்கியவர்களுக்காக மற்றவர்களின் உதவியை நாடுவீர்கள். வாகனம் திடீர் செலவு வைக்கும்.
மிதுனம்: பிள்ளைகளால் உறவினர் மத்தியில் பெருமையடைவீர்கள். புண்ணிய தலங்களுக்கு குடும்பத்துடன் சென்று வருவீர்கள். வெளிவட்டாரத்தில் மதிப்பு கூடும். கலைப்பொருட்கள் சேரும்.
கடகம்: கணவன் - மனைவிக்குள் அன்யோன்யம் அதிகரிக்கும். கைமாற்றாக வாங்கியிருந்த பணத்தை திருப்பித் தருவீர்கள். விஐபியுடன் எதிர்பாராத சந்திப்பு நிகழும். பணவரவு உண்டு.
சிம்மம்: எவ்வளவு பணம் வந்தாலும் எடுத்து வைக்க முடியவில்லையே என்று ஆதங்கப்படுவீர்கள். சில விஷயங்களுக்கு அனுபவ அறிவை பயன்படுத்துவது நல்லது.
கன்னி: மூத்த சகோதரர் வகையில் உதவிகள் கிடைக்கும். உங்களின் முயற்சிகளுக்கு தாயாரின் ஆதரவு கிடைக்கும். இழுபறியாக இருந்துவந்த சொத்து விவகாரத்தில் சுமுக தீர்வு கிடைக்கும்.
துலாம்: குடும்பத்தில் உங்கள் வார்த்தைக்கு மதிப்பு கூடும். அதிகாரப் பதவியில் இருப்பவர்கள் அறிமுகமாவார்கள். எதிர்பார்த்த இடத்திலிருந்து நல்ல செய்திகள் வரும். திடீர் பயணம் உண்டு.
விருச்சிகம்: குடும்பத்தில் உங்கள் கை ஓங்கும். உங்களைச் சுற்றியிருப்பவர்களின் சுயரூபத்தை புரிந்து கொள்வீர்கள். நட்பால் ஆதாயம் உண்டு. விருந்தினர் வருகையால் வீடு கலகலப்பாகும்.
தனுசு: பிள்ளைகள் மீது பாசமழை பொழிவீர்கள். தாய்வழி உறவினருடன் கருத்துவேறுபாடு வந்து நீங்கும். அநாவசிய செலவுகளை கட்டுப்படுத்துவீர்கள். வீடு பராமரிப்பை மேற்கொள்வீர்கள்.
மகரம்: வாழ்க்கையின் நெளிவு, சுளிவுகளை கற்றுக் கொள்வீர்கள். பழைய பிரச்சினைகளுக்கு முக்கிய தீர்வு காண்பீர்கள். பிரபலங்களின் நட்பு கிட்டும். அரசால் அனுகூலம் உண்டு.
கும்பம்: புதிய நண்பர்கள் அறிமுகமாவார்கள். விலை உயர்ந்தப் பொருட்கள் வாங்குவீர்கள். வெளிவட்டாரத்தில் மதிக்கப்படுவீர்கள். வீடு, மனை வாங்குவது குறித்து யோசிப்பீர்கள்.
மீனம்: முக்கிய கோப்புகளை கையாளும்போது அலட்சியம் வேண்டாம். முன்கோபத்தால் இழப்புகள் ஏற்படக் கூடும். மற்றவர்கள் விஷயத்தில் அநாவசியமாக தலையிட வேண்டாம்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |