மேஷம்: சகோதரர்களுடன் எதிர்பாராத வகையில் மனவருத்தம் வரும். பணப்பற்றாக்குறை ஏற்படும். வாகனம் அடிக்கடி பழுதாகும். மின்சார சாதனங்களை கவனமாக கையாளுங்கள்.
ரிஷபம்: எத்தனை பிரச்சினைகள் வந்தாலும் எதிர்கொள்ளும் மனப்பக்குவம் கிடைக்கும். நல்ல நண்பர்களின் அறிமுகம் உண்டு. புத்துணர்ச்சியுடன் காணப்படுவீர்கள். கலைப்பொருட்கள் சேரும்.
மிதுனம்: வழக்கு விவகாரங்கள் சாதகமாகும். அரசால் அனுகூலம் உண்டு. இழுபறியாக இருந்துவந்த வேலைகள் திடீரென முடியும். தந்தைவழி உறவினர்களால் உதவிகள் கிடைக்கும்.
கடகம்: கல்வித் தகுதியை அதிகப்படுத்திக் கொள்வீர்கள். அறிஞர்களின் நட்பு கிடைக்கும். சகோதரர்கள் ஆதரவாக இருப்பார்கள். சிலருக்கு பெரிய பொறுப்பு, பதவி தேடி வரும்.
சிம்மம்: சோர்வு, களைப்பு நீங்கி புது முயற்சிகளில் உற்சாகமாக இறங்குவீர்கள். வீடு, மனை விற்பது, வாங்குவதும் லாபகரமாக முடியும். அடுத்தவர் விவகாரங்களில் தலையிட வேண்டாம்.
கன்னி: தைரியமாக சில முக்கிய முடிவுகள் எடுப்பீர்கள். அதிகாரப் பதவியில் இருப்பவர்கள் அறிமுகமாவார்கள். நீண்டநாள் பிரச்சினைகளுக்கு தீர்வு கிடைக்கும். விருந்தினர் வருகை உண்டு.
துலாம்: குடும்பத்தில் குதூகலமான சூழல் நிலவும். உங்கள் பேச்சில் அனுபவ அறிவு வெளிப்படும். வேற்றுமொழி பேசுபவர்களால் சில காரியங்கள் நிறைவேறும். பணவரவு திருப்தி தரும்.
விருச்சிகம்: உடல் உஷ்ணத்தால் சில பிரச்சினைகள் ஏற்படக் கூடும். யாருக்கும், எதற்காகவும் உறுதியோ, உத்தரவாதமோ தரவேண்டாம். பொதுக் காரியங்களை முன்னின்று நடத்துவீர்கள்.
தனுசு: அரசாங்கத்தால் ஆதாயம் உண்டு. திடீர் பயணங்கள் வரும். நல்ல நிறுவனத்தில் வேலை கிடைக்கும். விலகியிருந்த உறவினர்கள், நண்பர்கள் விரும்பி வந்து பேசுவார்கள்.
மகரம்: எதிர்பார்த்த வகையில் பணம் வரும். நண்பர்களிடம் இருந்துவந்த பகை நீங்கும். உறவினர்களும் ஆதரவாக இருப்பார்கள். ஆன்மிகத்தில் நாட்டம் அதிகரிக்கும். பயணம் உண்டு.
கும்பம்: எதையும் தாங்கும் மனவலிமை கிட்டும். பணவரவு திருப்திகரமாக இருக்கும். எதிர்ப்பு, ஏமாற்றங்களை சமாளித்து வெற்றி பெறுவீர்கள். சகோதரர்களும் பக்கபலமாக இருப்பார்கள்.
மீனம்: தைரியமாகவும், சாதுர்யமாகவும் சில முடிவுகள் எடுத்து வெற்றி பெறுவீர்கள். நண்பர்கள் தக்க சமயத்தில் உதவுவார்கள். நிலம், வீடு வாங்குவது, விற்பது லாபகரமாக இருக்கும்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல. |