மேட்டூர் அணைக்கு நீர்வரத்து சரிவு :

மேட்டூர் அணைக்கு நீர்வரத்து விநாடிக்கு 1,899 கனஅடியாக குறைந்தது.

மேட்டூர் அணைக்கு நீர்வரத்து கடந்த சில நாட்களாக 2,000 கனஅடிக்கு மேல் இருந்தது. நேற்று முன்தினம் விநாடிக்கு 2,038 கனஅடியாக இருந்த நீர்வரத்து நேற்று 1,899 கனஅடியாக குறைந்தது.

அணையில் இருந்து குடிநீர் தேவைக்காக விநாடிக்கு 2,000 கனஅடி தண்ணீர் திறந்து விடப்பட்டு வருகிறது.நேற்று முன்தினம் 97.85 அடியாக இருந்த நீர்மட்டம் நேற்று 97.82 அடியானது. நீர் இருப்பு 62.05 டிஎம்சி-யாக இருந்தது.

காவிரியில் நீர்வரத்து

இந்நிலையில், நேற்று காலை அளவீட்டு நிலவரப்படி விநாடிக்கு 3000 கன அடியாக நீர்வரத்து அதிகரித்திருந்தது.