பணியாளர்களுக்கு கரோனா தொற்றால் கொடைக்கானல் வனத்துறை அலுவலகம் மூடல் :

கொடைக்கானலில் கரோனா தொற்று பாதிப்பு தினசரி கண்டறியப்பட்டு வருகிறது. இதனால் பாதிக்கப்பட்டோர் எண்ணிக்கை நாளுக்கு நாள் அதிகரித்து வருகிறது. இதுவரை கொடைக்கானலைச் சேர்ந்த 115 பேர் கரோனா தொற்றால் பாதிக்கப்பட்டு சிகிச்சை பெற்று வருகின்றனர்.

இந்நிலையில், கொடைக்கானல் வனத்துறை அலுவலகத்தில் 40-க்கும் மேற்பட்ட அலுவலர்கள் பணிபுரியும் நிலையில், அதில் 3 பேருக்கு கரோனா தொற்று உறுதி செய்யப்பட்டுள்ளது.

இதையடுத்து அலுவலகம் நேற்று தற்காலிகமாக மூடப்பட்டு கிருமிநாசினி தெளிக்கப்பட்டது. மறு அறிவிப்பு வரும் வரை வனத்துறை அலுவலகம் மூடப்பட்டிருக்கும் என வனத்துறையினர் தெரிவித்தனர்.