2021 தேர்தலில் போட்டியிடும் முக்கிய வேட்பாளர்கள் விபரம்:
| வேட்பாளர்கள் பெயர் | கூட்டணி |
|---|---|
| நயினார் நாகேந்திரன் (பாஜக) | அதிமுக |
| எ.எல்.எஸ்.லட்சுமணன் | திமுக |
| மகேஷ் கண்ணன் | அமமுக |
| பா.சத்யா | நாம் தமிழர் கட்சி |
திருநெல்வேலி மாவட்டத்திலுள்ள 5 சட்டப்பேரவை தொகுதிகளில் திருநெல்வேலி தொகுதியும் ஒன்று. திருநெல்வேலி மாநகராட்சியிலுள்ள 55 வார்டுகளில் 40 முதல் 55 -வது வார்டுகளும், 1 முதல் 4 வார்டுகளும் இத்தொகுதியில் இணைந்துள்ளன. இது போல் சங்கர்நகர், நாரணம்மாள்புரம் பேரூராட்சிகளும் சுற்றியுள்ள 58 ஊராட்சிகளையும் உள்ளடக்கி பரந்து விரிந்திருக்கிறது.
பொதிகைமலையில் உற்பத்தியாகி 124 கி.மீ. தொலைவுக்கு ஓடி வரும் வற்றாத ஜீவநதியான தாமிரபரணியும், அதனால் வளம் பெறும் நெல் விளையும் பூமியும் திருநெல்வேலியில் முக்கிய அடையாளங்கள். நெல்லையப்பர் கோயில் உள்ளிட்ட முக்கிய வழிபாட்டுதலங்களும், திருநெல்வேலி மனோன்மணியம் சுந்தரனார் பல்கலைக்கழகம், அரசு கால்நடை மருத்துவ கல்லூரி, பழமைவாய்ந்த பேட்டை மதிதா இந்துக் கல்லூரி போன்ற பல்வேறு கல்வி நிலையங்களையும் இத்தொகுதி தன்னகத்தே கொண்டுள்ளது.
இத்தொகுதியில் இந்து மதத்தை சேர்ந்த வாக்காளர்கள் அதிகம். பேட்டை பகுதியில் முஸ்லிம் வாக்காளர்கள் கணிசமாக உள்ளனர். இத்தொகுதியில் பிள்ளைமார் சமுதாயத்தினர் அதிகமாகவும், அடுத்து தாழ்த்தப்பட்ட சமுதாயத்தினரும், தேவர், யாதவா சமுதாயத்தினர் அடுத்த நிலையிலும் அதிக வாக்காளர்களாக இருக்கிறார்கள்.
தொகுதியின் பிரச்சினைகள்
திருநெல்வேலிக்குள் நுழையும்போது தான் தாமிரபரணி பெருமளவில் மாசடைகிறது. மாசுபாடு ஒருபுறம் இருக்க ஆற்றுத் தண்ணீரை பன்னாட்டு குளிர்பான நிறுவனங்களுக்கு தாரை வார்க்கப்படுவதும் முக்கிய பிரச்சினையாக இருக்கிறது. திருநெல்வேலி மாநகராட்சியிலிருந்து கொட்டப்படும் குப்பைகள் மலைபோல் தேங்கி ராமையன்பட்டி பகுதி மக்களை சொல்லொணா துயரத்துக்கு ஆள்படுத்தியிருக்கிறது. திருநெல்வேலி மாநகராட்சியில் போக்குவரத்து நெரிசல் நாளுக்கு நாள் அதிகரித்து வருகிறது.
திருநெல்வேலி பேட்டையில் தென்னிந்திய கூட்டுறவு நூற்பாலை கடந்த 1958-ல் தொடங்கப்பட்டு 2004-ம்ஆண்டு வரை செயல்பட்டது. லாபத்தில் இயங்கிவந்த இந்த நூற்பாலையை திடீரென மூடியதால் ஆயிரத்துக்கும் மேற்பட்ட தொழிலாளர்கள் வேலையிழந்தனர். ஒவ்வொரு தேர்தலின் போதும் இதை திறப்பதாக வாக்குறுதி மட்டுமே அளிக்கப்பட்டு வருகிறது. கங்கைகொண்டானில் அமைக்கப்பட்ட சிப்காட் தொழிற்பேட்டையில் பல்வேறு தொழிற்சாலைகளை தொடங்க நடவடிக்கை எடுக்க வேண்டும் என்பது தொகுதி மக்களின் நீண்டநாள் கோரிக்கையாகும்.
தேர்தல் வரலாறு
இத்தொகுதியில் 1952 முதல் 2011 வரை நடைபெற்ற 14 சட்டப்பேரவை தேர்தல்களில் 3 முறை காங்கிரஸ், 5 முறை திமுக, 6 முறை திமுக வேட்பாளர்கள் வெற்றி பெற்று எம்.எல்.ஏக்களாகியிருக்கிறார்கள். 2006-ம் ஆண்டு தேர்தலில் திமுக உறுப்பினர் என். மாலைராஜாவும், 2011 தேர்தலில் அதிமுக உறுப்பினர் நயினார் நாகேந்திரனும், 2016 தேர்தலில் திமுக உறுப்பினர் ஏ.எல்.எல். லெட்சுமணனும் வெற்றி பெற்றிருந்தனர்.
கடந்த 2016 தேர்தலில் திமுகவைச் சேர்ந்த லெட்சுமனன் 81,761 வாக்குகள் பெற்று வெற்றியடைந்தார். அவருக்கு அடுத்த நிலையில் அதிமுகவைச் சேர்ந்த நயினார் நாகேந்திரன் 81,160 வாக்குகள் பெற்று இரண்டாம் இடம்பெற்றார்.
2020-ன்படி வாக்காளர்கள் விவரம்:
| ஆண் | 1,32,183 |
| பெண் | 1,36,579 |
| மூன்றாம் பாலினத்தவர் | 20 |
| மொத்த வாக்காளர்கள் | 2,68,782 |
2016 தேர்தல் வேட்பாளர்கள் விவரம்
தொகுதி கடந்து வந்த தேர்தல்கள் ( 1952 - 2011 )
| ஆண்டு | வெற்றி பெற்ற வேட்பாளர் | கட்சி | வாக்கு விழுக்காடு (%) |
| 2011 | நயினார் நாகேந்திரன் | அதிமுக | |
| 2006 | N.மாலை ராஜா | திமுக | 45.85 |
| 2001 | நயினார் நாகேந்திரன் | அதிமுக | 40.93 |
| 1996 | A.L.சுப்பிரமணியன் | திமுக | 52.48 |
| 1991 | D.வேலய்யா | அதிமுக | 62.81 |
| 1989 | A.L.சுப்பிரமணியன் | திமுக | 35.55 |
| 1986 இடைத்தேர்தல் | இராம. வீரப்பன் | அதிமுக | 59.57 |
| 1984 | S.நாராயணன் | அதிமுக | 59.57 |
| 1980 | இரா. நெடுஞ்செழியன் | அதிமுக | 57.96 |
| 1977 | G.R.எட்மண்ட் | அதிமுக | 38.5 |
| 1971 | பி.பத்மநாபன் | திமுக | |
| 1967 | ஏ.எல்.சுபிரமணியன் | திமுக | |
| 1962 | ராஜாத்தி குஞ்சிதபாதம் | காங்கிரஸ் | |
| 1957 | ராஜாத்தி குஞ்சிதபாதம் | காங்கிரஸ் | |
| மற்றும் சோமசுந்தரம் | |||
| 1952 | ஆறுமுகம் மற்றும் | காங்கிரஸ் | |
| எஸ். என். சோமையாஜுலு |
2006 தேர்தல் ஒரு பார்வை
| வரிசை எண் | வேட்பாளர்கள் | கட்சி | பதிவான வாக்குகள் |
| 1 | N. மாலை ராஜா | தி.மு.க | 65517 |
| 2 | நைனார் நாகேந்திரன் | அ.தி.மு.க | 64911 |
| 3 | S. ஜெயச்சந்திரன் | சுயேச்சை | 4080 |
| 4 | S. நம்பிராஜன் | பார்வர்டு பிளாக் | 2709 |
| 5 | K.M. சிவகுமார் | பாஜக | 2257 |
| 6 | A. ஜெயக்குமார் | பி.எஸ்.பி | 1406 |
| 7 | A. வேலு | சுயேச்சை | 565 |
| 8 | ராஜி யாதவ் | சுயேச்சை | 525 |
| 9 | T. ராஜமாணிக்கம் | சி.பி.ஐ | 444 |
| 10 | S. செல்லதுரை | எஸ்.பி | 178 |
| 11 | M. சங்கர்குமார் | சுயேச்சை | 135 |
| 12 | S. கணேசன் | சுயேச்சை | 99 |
| 13 | E. இன்பராஜ் | சுயேச்சை | 82 |
| 142908 |
2011 - தேர்தல் ஒரு பார்வை
| வரிசை எண் | வேட்பாளர்கள் | கட்சி | பதிவான வாக்குகள் |
| 1 | நைனார் நாகேந்தரன் | அ.தி.மு.க | 86220 |
| 2 | A.L.S.லட்சுமணன் | தி.மு.க | 47729 |
| 3 | G.வேலம்மாள் | ஜே.எம்.எம் | 7771 |
| 4 | C.பசுபதிபாண்டியன் | சுயேச்சை | 4307 |
| 5 | S.மதன் | ஐ.ஜே.கே | 2696 |
| 6 | G.முருகதாஸ் | பி.ஜே.பி | 1815 |
| 7 | M. சுப்பரமணியன் | சுயேச்சை | 1200 |
| 8 | P. ராமகிருஷ்ணன் | சுயேச்சை | 975 |
| 9 | K. வேதாந்தன் | சுயேச்சை | 969 |
| 10 | C. மாடசாமி | சுயேச்சை | 814 |
| 11 | T.தேவேந்தரன் | பி.எஸ்பி | 732 |
| 12 | S.தேன்மொழி | சி.பி.ஐ | 695 |
| 13 | K. பூல்பாண்டியன் | சுயேச்சை | 495 |
| 14 | S. சரவணன் | சுயேச்சை | 367 |
| 15 | M. சுரேஷ்குமார் | சுயேச்சை | 208 |
| 16 | M. ஆண்டணி பாஸ்கர் | சுயேச்சை | 169 |
| 17 | R. கொம்பையா | சுயேச்சை | 142 |
| 157304 |