227 - நாங்குநேரி

2021 தேர்தலில் போட்டியிடும் முக்கிய வேட்பாளர்கள் விபரம்:

பாளையங்கோட்டை தாலுகா மற்றும் நாங்குநேரி தாலுகா ஆகிய இரு தாலுகாவுக்கு உட்பட்ட பகுதிகளை உள்ளடக்கியது. மேற்கு தொடர்ச்சி மலையடிவாரத்திலுள்ள களக்காடு ஒன்றியம் செழுமையான விவசாய நிலபரப்பை கொண்டது.

களக்காடு முண்டன்துறை புலிகள் காப்பகம், வடக்குபச்சையாறு, கொடு முடியாறு அணைக்கட்டுகள் இத்தொகுதியில் உள்ளன. நாட்டிலேயே ராணுவ தகவல் தொடர்புக்கான மிகப்பெரிய கடற்படைதளமான ஐஎன்எஸ் கட்டபொம்மன் கடற்படை தளம், நாட்டிலேயே முதன்முதலாக தொடங்கப்பட்ட நாங்குநேரி சிறப்பு பொருளாதார மண்டலம், கூந்தன்குளம் பறவைகள் சரணாலம் ஆகியவை இத்தொகுதியில் உள்ளன.

இந்துக்கள் அதிகம் வசிக்கும் இத்தொகுதியில் தேவர் சமுதாயத்தினரும், அடுத்ததாக நாடார் சமுதாயத்தினரும் அதிகம் வசிக்கிறார்கள். இத்தொகுதியில் இருக்கும் ஏர்வாடி, களக்காடு பகுதிகளில் முஸ்லிம்கள் அதிகமுள்ளனர்.

தொகுதியில் அடங்கியுள்ள பகுதிகள் :

பாளையம் கோட்டை தாலுகா, நாங்குநேரி தாலுகா.

தொகுதியின் பிரச்சினைகள்

பல கிராமங்களை உள்ளடக்கிய இத்தொகுதியில் பல இளைஞர்கள் வேலைவாய்ப்புக்காக எந்தவித தொழிற்சாலைகளும் இல்லாததால் இங்கிருந்து மும்பை, சென்னை, கோவைக்கு இடம்பெயர்ந்து வருகிறார்கள். ஆங்கிலேயர் ஆட்சிகாலத்தில் முக்கியநகராக இருந்த நாங்குநேரியில் கருவூலம், நீதிமன்றங்கள், சிறைச்சாலை என்றுஅனைத்தும் இருந்தன. தற்போது திருநெல்வேலி- கன்னியாகுமரி தேசிய நெடுஞ்சாலை புறவழிச்சாலையாக அமைந்துள்ளதால் ஊருக்குள் பேருந்துகள் வராமல் சென்று வருகின்றன.

களக்காடு, திருக்குறுங்குடி, சிறுமளஞ்சி உள்ளிட்ட பகுதிகளில் ஆயிரக்கணக்கான ஏக்கரில் ஏத்தன் வாழை விவசாயம் நடைபெறுகிறது. விலை வீழ்ச்சி ஏற்படுவதால் இப்பகுதியில் வாழைத்தார்களை சேமித்து வைப்பதற்கு குளிர்பதன கிட்டங்கி அமைக்க வேண்டும் என்ற எதிர்பார்ப்பு உள்ளது. நாங்குநேரி பொருளாதார சிறப்பு மண்டலம் முடங்கியிருக்கிறது. இதை முழுஅளவில் செயல்படுத்த அரசுகள் முன் வரவில்லை.

தாமிரபரணி- கருமேனியாறு- நம்பியாறு நதிநீர் இணைப்பு வெள்ள நீர்கால்வாய் திட்டம் பாதியில் நிற்கிறது. களக்காடு சுற்று வட்டார பகுதியில் களக்காடு- முண்டந்துறை புலிகள் காப்பகம், திருக்குறுங்குடி மலை நம்பி கோயில், களக்காடு தலையணை, செங்கல்தேரி, தேங்காய் உருளி அருவி என்றுஅழகிய நீரோடைகளும், நாங்குநேரி வானுமாலமலை பெருமாள் திருக்கோயில், திருக்குறுங்குடி அழகிய நம்பிராயர் கோவில், கூந்தன்குளம் பறவைகள் சரணாலயம் என்று பல்வேறு சுற்றுலாதலங்கள் இருப்பதால், இப்பகுதியில் சுற்றுலா மேம்பாட்டுக்கான திட்டங்களை நிறைவேற்ற வேண்டும் என்ற கோரிக்கையும் உள்ளது.

1952 முதல் 2011 வரை நடைபெற்ற 14 சட்டப்பேரவை தேர்தல்களில் 5 முறை காங்கிரஸ், 2 முறை திமுக, 4 முறை அதிமுக, ஜனதா, மார்க்சிஸ்ட் கம்யூனிஸ்ட், சமத்துவ மக்கள் கட்சி ஆகியவை தலா ஒரு முறை வெற்றி பெற்றிருக்கின்றன. 2006-ல் இத்தொகுதியில் காங்கிரஸ் உறுப்பினர் எச். வசந்தகுமார் வெற்றி பெற்றிருந்தார். 2011-ல் அதிமுக கூட்டணியில் சமத்துவ மக்கள் கட்சி சார்பில் போட்டியிட்ட ஏ. நாராயணன் வெற்றி பெற்றிருந்தார். 2016 தேர்தலில் காங்கிரஸ் வேட்பாளர் எச். வசந்தகுமார் வெற்றி பெற்றிருந்தார்.

கடந்த 2016 தேர்தலில் காங்கிரஸ்கட்சியைச் சேர்ந்த வசந்தகுமார் 74,932 வாக்குகள் பெற்று வெற்றியடைந்தார். அவருக்கு அடுத்த நிலையில் அதிமுகவைச் சேர்ந்த விஜயகுமார் 57,617 வாக்குகள் பெற்று இரண்டாம் இடம்பெற்றார்.

2019 மக்களவை தேர்தலின் போது கன்னியாகுமரி மக்களவை தொகுதியில் வசந்தகுமார் போட்டியிட்டு வெற்றி பெற்றதை அடுத்து நாங்குநேரி தொகுதிக்கு இடைத்தேர்தல் நடைபெற்றது. இந்த இடைத்தேர்தலில் அதிமுக வேட்பாளர் ரெட்டியார்பட்டி நாராயணன் வெற்றிபெற்றார்.

2020-ன்படி வாக்காளர்கள் விவரம்:

2016 தேர்தல் வேட்பாளர்கள் விவரம்

தொகுதி கடந்து வந்த தேர்தல்கள் ( 1977 - 2011 )

2006 தேர்தல் ஒரு பார்வை

2011 - தேர்தல் ஒரு பார்வை