மடிக்கணினி வழங்கக்கோரி நாமக்கல் மாவட்ட ஆட்சியரிடம் கல்லூரி மாணவ, மாணவியர் மனு அளித்தனர்.
மனுவில் குறிப்பிடப்பட்டுள்ள விவரம்:
திருச்செங்கோடு அருகே மாணிக்கம்பாளையம் அரசு மேல்நிலைப்பள்ளியில் கடந்த 2017-18-ம் ஆண்டு பிளஸ் 2 வகுப்பில் 70-க்கும் மேற்பட்ட மாணவ, மாணவியர் பயின்றனர். அந்த ஆண்டு எங்களுக்கு மடிக்கணினி வழங்குவதாக தெரிவிக்கப்பட்டது. எனினும், பள்ளி முடிந்து 3 ஆண்டுகளானபோதும் இதுவரை மடிக்கணினி வழங்கப்படவில்லை.
பள்ளிக் கல்வியை முடித்த பலர் தற்போது கல்லூரிகளில் பயின்று வருகின்றனர்.
உயர்கல்விக்கு மடிக்கணினி அவசியமாகிறது. எனவே, எங்களுக்கு மடிக்கணினி வழங்க நடவடிக்கை எடுக்க வேண்டும், என தெரிவிக்கப்பட்டுள்ளது.