ஆண்டாள் கோயிலில் நட்சத்திர வனம் திறப்பு

வில்லிபுத்தூர் ஆண்டாள் கோயில் வளாகத்தில் நட்சத்திர வனம் அமைக்கும் பணி நடை பெற்றது.

மார்கழி உற்சவம் முடிவடைந்த நிலையில், வில்லிபுத்தூரில் ஆண்டாளை பெரியாழ்வார் கண்டெடுத்த ஆடிப்பூர நந்தவனத்தில் 27 நட்சத்திரங்களுக்கு உரிய 27 மரக்கன்றுகளை நடும் விழா நடைபெற்றது.

நிகழ்ச்சியில், மதுரை தென்மண்டல ஐஜி முருகன், சிவகாசி சார் ஆட்சியர் தினேஷ்குமார், வில்லிபுத்தூர் டிஎஸ்பி நமசிவாயம், கோயில் தக்கார் ரவிச்சந்திரன், செயல் அலுவலர் இளங்கோவன் உள்ளிட்டோர் மரக்கன்றுகளை நட்டு வைத்தனர்.

இதற்கான ஏற்பாடுகளை கோயில் தக்கார் ரவிச்சந்திரன், செயல் அலுவலர் இளங்கோவன் மற்றும் கோயில் பணியாளர்கள் செய்திருந்தனர். இந்நிகழ்ச்சியில் ஏராளமான பக்தர்கள் கலந்து கொண்டனர்.