மேட்டூர் அணை நீர்வரத்து விநாடிக்கு 1,137 கனஅடியானது.
காவிரி நீர்பிடிப்புப் பகுதியில் போதிய மழை இல்லாததால், மேட்டூர் அணைக்கு நீர்வரத்து கடந்த சில வாரங்களாக குறைவாக உள்ளது. அணைக்கு நேற்று முன்தினம் விநாடிக்கு 1,069 கனஅடியாக இருந்த நீர்வரத்து நேற்று 1,137 கனஅடியானது.
நேற்று முன்தினம்அணையில் இருந்து கிழக்கு மற்றும் மேற்கு கால்வாய் பாசனத்துக்கு விநாடிக்கு 500 கனஅடி நீர்திறக்கப்பட்ட நிலையில் நேற்று காலை முதல் 400 கனஅடியாக குறைக்கப்பட்டது.
டெல்டா பாசனத்துக்கு விநாடிக்கு 500 கனஅடி திறக்கப்பட்டுள்ளது. அணை நீர்மட்டம் 104.92 அடியும், நீர் இருப்பு 71.36 டிஎம்சி-யாகவும் உள்ளது.