தூத்துக்குடியில் திமுக. மகளிர் அணி சார்பில் சமையல் எரிவாயு விலை உயர்வை கண்டித்து நேற்று முன்தினம் ஆர்ப்பாட்டம் நடைபெற்றது. இதில் திமுக மாநில மகளிர் அணி செயலாளர் கனிமொழி எம்பி மற்றும் எம்எல்ஏக்கள் கீதாஜீவன், அனிதா ஆர்.ராதாகிருஷ்ணன் , சண்முகையா உட்பட திமுகவினர் திரளாக கலந்து கொண்டனர்.
கரோனா ஊரடங்கு அமலில் உள்ள நிலையில் அனுமதியின்றி அதிக அளவில் கூட்டம் கூடியதாக தென்பாகம் போலீஸார் கனிமொழி எம்பி, 3 எம்எல்ஏக்கள் மற்றும் 2,096 பேர் என மொத்தம் 2,100 பேர் மீது வழக்கு பதிவு செய்து விசாரணை நடத்தி வருகின்றனர்.