2009 தேர்தலுக்கு முன்பு திண்டிவனம் நாடாளுமன்றப் பொதுத்தொகுதியாக இருந்த இந்தத் தொகுதி, மறு சீரமைப்பில் விழுப்புரம் தனித் தொகுதியாகியிருக்கிறது. வன்னியர்களுக்கு என்று தனிக் கட்சியாக தமிழ்நாடு உழைப்பாளர் கட்சியைத் தொடங்கிய ராமசாமி படையாச்சி இந்தத் தொகுதியில் இருமுறை வெற்றிபெற்றுள்ளார். 1951-ல் இவரது கட்சியின் ஆதரவால்தான் ராஜாஜி முதல்வராக ஆக முடிந்தது. இவர் காமராஜர் அமைச்சரவையில் உள்ளாட்சித் துறை அமைச்சராகவும் இருந்துள்ளார். வரலாற்றுப் புகழ் பெற்ற செஞ்சிக் கோட்டை இந்தத் தொகுதியில்தான் உள்ளது. தேசிங்கு ராஜன் அதனை ஆண்டதாக ‘தேசிங்கு ராஜன் கதை’ கூறுகிறது.