நீங்க ‘பாஸ்' ஆக வேண்டுமா? - 15: பணம் முக்கியமா, பொருள் முக்கியமா என்று குழந்தையிடம் கேளுங்கள்!

குழந்தைகளுக்கு கொடுக்க வேண்டிய முதல் பரிசு எது தெரியுமா? உண்டியல். இளம்வயதிலே சேமிப்பு பழக்கத்தை கற்றுத்தர பயன்படும் சிறந்த முறை உண்டியல்தான். இதன் உன்னதத்தை உணர்ந்ததினால்தான் வங்கிகளும் குழந்தைகளுக்கு பன்றிக்குட்டி உண்டியலை பரிசளிக்கின்றன.

குழந்தைகளுக்கு இந்த உண்டியல் முறையை அறிமுகப்படுத்த ஒரு எளிய வழி இருக்கிறது. பெரியவர்கள் குழந்தைகளின் கண் முன்னால் உண்டியலில் காசு போட வேண்டும். 2 முதல் 5 வயது குழந்தைகளின் கண் முன்னால் பெரியவர்கள் இதை செய்தால், குழந்தைகளும் தங்களுக்கு தனியாக உண்டியல் வேண்டும் என கேட்பார்கள்.