கனியும் கணிதம் 48: உடலுக்குள் எண்ணிக்கையா?

உடலுக்குள் எண்ணிக்கையா? ஆமாம். என்ன எண்ணிக்கை இருந்துவிடப் போகிறது? இரண்டு கண்கள், ஒரு மூக்கு, இரண்டு கைகள், இரண்டு காதுகள், ஒரு வாய், ஒரு வயிறு, இரண்டு கால்கள். அதிகபட்சம் இரண்டு தான் எண்ணிக்கை. இல்லை இன்னும் கொஞ்சம் ஆழமாகப் போகலாமா?

ஒரு கையில் ஐந்து விரல்கள். ஆக கைகளில் மொத்தம் 5 X 2 = 10 விரல்கள். கால்களிலும் 10 விரல்கள். ஆக உடலில் விரல்களின் எண்ணிக்கை 20. 20 தான் அதிகபட்ச எண்ணிக்கை என வைத்துக்கொள்வோமா? இதைவிட எது அதிகமாக இருக்கும்? வாயிற்குள் இருக்கும் பற்களின் எண்ணிக்கை இதைவிட அதிகமாக இருக்குமோ? சராசரியான ஒரு மனிதனுக்குப் பற்களின் எண்ணிக்கை 32.அதெப்படி உலகம் முழுக்க எல்லா மனிதர்களுக்கு இப்படி மிகச்சரியாக 32 பற்கள் வளர்கின்றது? ஒரு மனித உடலில் எத்தனை உடல் உறுப்புகள் (organs) மொத்தமாக இருக்கும் தெரியுமா? கண், காது, மூக்கு, வாய், உதடு, இதயம், கைகள் என்றுதான் குழந்தையாக இருக்கும்போது ஆரம்பித்து இருப்பார்கள். அதன்மொத்த எண்ணிக்கை 78.