புதிய கல்விப் பயணம் இனிதே தொடங்கட்டும்!

புதிய கல்வியாண்டில் அடியெடுத்து வைத்திருக்கும் உங்களோடு இணைவதில் மகிழ்ச்சி. மாணவச் செல்வங்கள் இன்று புதிதாய் என்ன கற்கலாம் என்ற உற்சாகத்தோடு பள்ளிக்கு வந்திருப்பீர்கள்.

உங்களுடைய வகுப்பறை பாடங்களோடு மேலும் புதியனவற்றை அறிமுகப்படுத்த நாங்களும் உடன் இருக்கிறோம். ‘நீ என்னவாக ஆசைப்படுகிறாய்?’ என்று யார் கேட்டாலும் உங்கள் மனதில் உள்ள ஆசையை தைரியமாக வெளிப்படுத்துங்கள். அது வெறுமனே கனவாக, ஆசையாக மட்டும் தேங்கிவிடாமல் திட்டமாக மாற்றுங்கள். அந்த திட்டத்தை எங்களிடம் நீங்கள் தாராளமாகப் பகிர்ந்துகொள்ளலாம்.