ஒலிம்பிக் போட்டிக்கு முரளி சங்கர் தகுதி :

பாட்டியாலா: ஒலிம்பிக் போட்டிக்கு தகுதி பெற்றுள்ளார் இந்திய தடகள வீரர் முரளி சங்கர்.

24-வது பெடரேஷன் கோப்பை சீனியர் தடகள சாம்பியன்ஷிப் பஞ்சாப் மாநிலம் பாட்டியாலாவில் உள்ள நேதாஜி சுபாஷ் தேசிய விளையாட்டு வளாகத்தில் நடைபெற்று வருகிறது. இதில் நேற்று நடைபெற்ற ஆடவருக்கான நீளம் தாண்டுதலில் கேரளாவைச் சேர்ந்த 21 வயதான முரளி சங்கர் 8.26 மீட்டர் தூரம் தாண்டி தேசிய சாதனை படைத்ததுடன் டோக்கியோ ஒலிம்பிக் போட்டிக்கும் தகுதி பெற்றார். ஒலிம்பிக் போட்டிக்கான தகுதி நிலை 8.22 மீட்டர் ஆகும் என்பது குறிப்பிடத்தக்கது.