சுற்றுலா

உலகிலேயே மிக அதிகமான வளர்ச்சியை எட்டிவரும் துறைகளில் முதலிடத்தில் இருப்பது சுற்றுலாத்துறைதான். மாறிவரும் பொருளாதார சூழலில் ஆண்டுதோறும் புதுப் புது இடங்களுக்கு சென்று பார்க்கும் மனிதர்களின் மனோபாவத்துக்கு ஏற்ப புதுப்புது சுற்றுலாத் தலங்கள் உருவாகிக் கொண்டே வருகின்றன.

$ டூர் என்ற லத்தீன் வார்த்தையிலிருந்து இது உருவானது. கிரேக்க மொழியில் டூர்னோஸ் எனப்பட்டது.

$ சுற்றுலாப் பயணி என்ற வார்த்தை 1772-ம் ஆண்டிலிருந்தே புழக்கத்தில் உள்ளது.

$ சுற்றுலாத்துறை என்பது 1811-ம் ஆண்டில் உருவானது.

$ 1936-ல் தான் சர்வதேச சுற்றுலாப் பயணி என்ற சொல் உருவானது.

$ எண்ணெய், எரிவாயு தொழிலில் புரளும் பணத்துக்கு நிகராக அல்லது அதைவிட அதிக அளவில் பணம் கொழிக்கும் துறையாகத் திகழ்வதும் சுற்றுலாத் துறைதான்.

$ வளரும் நாடுகளின் பொருளாதார வளர்ச்சியில் சுற்றுலா மிக முக்கியமான துறையாகத் திகழ்கிறது.

$ கடந்த ஆண்டு சர்வதேச அளவில் சுற்றுலா பயணிகளின் எண்ணிக்கை 5 சதவீதம் அதிகரித்துள்ளது. மொத்த சுற்றுலாப் பயணிகளின் எண்ணிக்கை 100 கோடிக்கும் அதிகம்.

$ கடந்த ஆண்டில் சுற்றுலாப் பயணிகள் மூலமான ஏற்றுமதி வருமானம் ஒரு லட்சம் கோடி டாலராகும்.

$ நாடுகளிடையிலான வர்த்தகத்தில் 30 சதவீதம் சுற்றுலாப் பயணிகள் மூலமானது.

$ உலகின் ஒட்டுமொத்த உள்நாட்டு உற்பத்தியில் (ஜிடிபி) சுற்றுலாவின் பங்களிப்பு 5 சதவீதம்.

$ சுற்றுலா சார்ந்த சேவைத்துறை ஏற்றுமதி 6 சதவீதமாகும்.

$ 23 கோடி பேருக்கு வேலை வாய்ப்பு அளிக்கும் துறை. அதாவது 12-ல் ஒருவர் சுற்றுலா சார்ந்த தொழிலில் ஈடுபட்டுள்ளனர்.

$ 10 கோடி பேருக்கு நேரடி வேலை வாய்ப்பு அளிக்கும் துறையாகும்

$ 2005-ல் சுற்றுலா தொழில் வருமானம் 4,75,000 கோடி டாலர்.

$ 2013-ல் இத்தொழில் மூலமான வருமானம் 1,15,900 கோடி டாலர்.

$ பயணிகள் போக்குவரத்துக்கு செலவிட்ட தொகை 21,800 கோடி டாலர்.

$ இந்தியாவில் சர்வதேச சுற்றுலாப் பயணிகள் அதிகம் வரும் இடமாகத் திகழ்வது ஆக்ராவில் உள்ள தாஜ்மகால்.

$ கோவா, புதுச்சேரி யூனியன் பிரதேசங்களுக்கு சர்வதேச சுற்றுலாப் பயணிகள் அதிகம் வருவதுண்டு.

$ வெளிநாடுகளுக்கு சுற்றுலா போக வசதியில்லாவிட்டாலும் இப்போது உள்நாட்டு சுற்றுலா அதிகரித்துள்ளது. கோடை விடுமுறையில் சுற்றுலா தலங்களில் உள்நாட்டு பயணிகளின் எண்ணிக்கை அனைத்து நாடுகளிலும் அதிகமாக இருக்கிறது.