கதை: ஆமை காய்ச்சிய மந்திரக்கூழ்

காட்டூர் காட்டில் உள்ள குளத்தில் ஓர் ஆமை வசித்தது. அருகில் இருந்த பெரிய ஆலமரத்துக்கு அடியில் ஒரு முயல் வாழ்ந்தது. ஆமையும் முயலும் நண்பர்களாக இருந்தன.

ஒரு காலத்தில் அவர்களுக்குள் நடந்த ஓட்டப்பந்தயப் போட்டிக்குப் பிறகுதான் நண்பர்கள் ஆனார்கள். எந்தப் போட்டி என்று உங்களுக்குத் தெரியுமே! முயல் சோம்பேறி. அருகிலேயே கிடைக்கும் புல், பூண்டுகளைச் சாப்பிடும். எப்போதும் தூங்கிக்கொண்டே இருக்கும்.