சினிமா ரசனை 2.0 - 17: கரோனா வைரஸை மிரட்டிய சீரீஸ்!

ஹாலிவுட்டில் ஒரு மிகப்பெரிய சூப்பர்ஸ்டார், திடீரென்று ஒரு வெப் சீரீஸில் நடித்தால் எப்படி இருக்கும்? பல வருடங்கள் சினிமா உலகை ஆட்டிப் படைத்துவிட்டு, உலகம் முழுக்க ஓடிய பல சூப்பர்ஹிட் படங்களைக் கொடுத்தவர் சில்வஸ்டர் ஸ்டாலோன். அவர் ‘துல்சா கிங்’ என்கிற வெப் சீரீஸில் நடித்தபோது அதைப் பலராலும் நம்ப முடியவில்லை. இத்தனைக்கும் இந்த சீரீஸ் வெளியானது 2022 நவம்பரில். உலகெங்கும் வெப் சீரீஸ்கள் நன்கு புரிந்துகொள்ளப்பட்டு, லட்சக்கணக்கான மக்கள் அவற்றைப் பார்த்துக்கொண்டிருந்த நேரம்.

யார் வெப் சீரீஸ்களுக்கு வந்தாலும் அதிர்ச்சியோ ஆச்சரியமோ படாமல் அவர்களைப் பார்வையாளர்கள் ஏற்றுக்கொள்ளும் காலகட்டம். இருந்தாலும் சில்வஸ்டர் ஸ்டாலோன் திடீரென்று வெப் சீரீஸ் ஒன்றில் வந்து குதித்ததை உலகம் சற்று நம்பமுடியாமல் பார்த்தது என்றே சொல்ல வேண்டும்.