செக் லிஸ்ட்டை மறக்காதீங்க...

சுற்றுலா செல்வதற்கு முன்னதாகவே திட்டமிடும்போது, எடுத்துச் செல்ல வேண்டிய பொருள்களைக் காகிதம் ஒன்றில் சிலர் எழுதி வைத்துக் கொள்வார்கள். இப்போது அந்தச் சிரமமும் வேண்டாம்; ‘வொண்டர் லிஸ்ட்’ போன்ற பல ‘செக் லிஸ்ட்’ செயலிகள் பிளே ஸ்டோரில் கிடைக்கின்றன. அவற்றில் ஒன்றைத் தரவிறக்கம் செய்துகொண்டால் போதும்.

‘செக் லிஸ்ட்’ செயலியில் பட்டியலிட்டுள்ள பிரிவுகளில் நாம் எடுத்துச் செல்ல வேண்டிய பொருள்களைக் குறித்துக்கொண்டே வரலாம். உள்நாடு - வெளிநாடு என எங்கே சுற்றுலா செல்கிறீர்கள், அது எந்த சீசன், எந்த ஊர், எந்த நாடு என்பதைப் பொறுத்து ஆடைகள், பொருள்கள், ஆவணங்கள் ஆகியவை மாறுபடலாம். இதோ உங்களுக்காக ஓர் அடிப்படையான ‘செக் லிஸ்ட்’.