சீதையைக் காண உதவிய அனுசுயா!

சீதை காணாமல் போனபின், அவளைத் தேடும் முயற்சியில் ராமர், லட்சுமணர் ஈடுபட்டனர். அப்போது சீதை அணிந்திருந்த நகைகள் அவர்களுக்குக் கிடைத்ததுதான், ராமாயணத்தில் முக்கியத் திருப்புமுனை. அந்த நகைகளை வைத்துதான் ராவணன், சீதையை இலங்கைக்குத் தூக்கிச்சென்றது தெரியவந்தது.

ராமர், லட்சுமணருடன் காட்டிற்கு மரவுரி தரித்துச் சென்ற சீதையிடம் நகைகள் எப்படி வந்தன? இந்தக் கேள்விக்கான விடையாக ராமாயணத்தில் அறிமுகமாகுபவர்தான் அனுசுயா.