சமீபத்திய ஆரம்ப பொருளாதார தரவு 2025-26-ம் ஆண்டுக்கான நேர்மறையான தொடக்கத்தைக் குறிக்கிறது 1.கடந்த ஏப்ரல் மாதத்தில் இந்தியாவின் சரக்கு மற்றும் சேவை வரி (ஜிஎஸ்டி) வசூல் 12.6% அதிகரித்து இதுவரை இல்லாத அளவுக்கு ரூ.2.37 லட்சம் கோடியாக உயர்ந்துள்ளது.
தாக்கம்: மத்திய பட்ஜெட்டில், ஜிஎஸ்டி வருவாயில் அரசு 11% அதிகரிப்பை மட்டுமே கணித்துள்ளது. எனவே 2025-26-ம் ஆண்டுக்கான ஜிஎஸ்டி வசூல் ரூ.11.78 லட்சம் கோடியாக இருக்கும் என்ற பட்ஜெட் மதிப்பீடுகளை நாம் முறியடிப்போம்.
2. கடந்த 10 ஆண்டுகளில் ரூபாய் அடிப்படையில் கச்சா எண்ணெய் விலை மிகவும் குறைந்துள்ளது (கோவிட் காலத்தில் ஏற்பட்ட வீழ்ச்சியைத் தவிர). பிரெண்ட் கச்சா எண்ணெய் 75 அமெரிக்க டாலர்களில் இருந்து 59.5 ஆகவும், டாலர் குறியீட்டில் (DXY) 109 அமெரிக்க டாலர்களில் இருந்து 99.60 ஆகவும் சரிந்ததன் விளைவாக தற்போதைய அமெரிக்க டாலர்/INR 84.49 ஆக உயர்ந்துள்ளது.
தாக்கம்: கச்சா எண்ணெய் தொடர்பான சேமிப்பு இந்தியாவுக்கு மிகவும் முக்கியமானது. ஏனெனில், நம் நாடு எண்ணெய் தேவைகளில் கிட்டத்தட்ட 90% இறக்குமதி செய்கிறோம். இந்த விலை குறைவின் பயன் நுகர்வோருக்கு வழங்கப்படாவிட்டால், சேமிப்பு அரசு வருவாய்க்குச் சென்று நிதி நிலையை வலுப்படுத்துகிறது.
அவை நுகர்வோருக்கு வழங்கப்பட்டால், அது நுகர்வோர் செலவழிப்பு வருமானத்தை வலுப்படுத்தும். இது நுகர்வு/சேமிப்புகளை அதிகரிக்க வழிவகுக்கும். எப்படியிருந்தாலும், இது நடப்பு கணக்கு பற்றாக்குறையுடன் (CAD) பணவீக்கத்தையும் குறைக்கும்.
3. தனியார் துறை செயல்பாட்டின் (உற்பத்தி மற்றும் சேவைகள்) முக்கிய குறியீடான எச்எஸ்பிசி இந்தியா கம்போசிட் (கொள்முதல் மேலாளர்கள் குறியீடு) PMI ஏப்ரல் மாதத்தில் 60 ஆக உயர்ந்துள்ளது. இது கடந்த 8 மாதங்களில் இல்லாத மிக உயர்ந்த கார்ப்பரேட் இந்தியாவுக்கான வளர்ச்சிக் கண்ணோட்டம் ஆகும்.
தாக்கம்: 50-க்கு மேல் உள்ள எந்த PMI அளவும் பொருளாதாரம் விரிவாக்கப் பயன்முறையில் இருப்பதைக் குறிக்கிறது. உயரும் PMI வளர்ச்சி வேகம் இன்னும் வேகமான விகிதத்தில் அதிகரிப்பதைக் குறிக்கிறது. இது 2025-26 முதல் காலாண்டுக்கான மொத்த உள்நாட்டு உற்பத்தி வளர்ச்சியிலும், பங்குச் சந்தையில் பட்டியலிடப்பட்டுள்ள நிறுவனங்களின் வருவாய் வளர்ச்சியிலும் பிரதிபலிக்கத் தொடங்க வேண்டும். டாலரின் பலவீனமும் இந்தியாவின் பெருமளவிலான மீள்தன்மையும் நாட்டை உலக மூலதனத்துக்கு ஒரு காந்தமாக மாற்றியுள்ளன.
தொடர்ந்து 11 அமர்வுகளாக, வெளிநாட்டு முதலீட்டாளர்கள் இந்தியாவில் பங்குகளை வாங்குவதில் அதிக ஆர்வம் காட்டி வருகின்றனர். இந்திய பங்குச் சந்தையில் ரூ.37,600 கோடி முதலீடு செய்துள்ளனர். குறைக்கப்பட்ட கட்டண அபாயங்கள் மற்றும் அமெரிக்க-இந்தியா வர்த்தக ஒப்பந்தம் ஆகியவற்றால் ஈர்க்கக்கூடிய ஓட்டங்கள் உந்தப்படுவதாகத் தெரிகிறது. மதிப்பீடுகளும் நடுநிலையான பகுதியை நெருங்கி வருகின்றன. இந்தியா இப்போது வளர்ந்து வரும் சந்தை குறியீட்டுக்கு 75% பிரீமியத்தில் வர்த்தகம் செய்கிறது - இது நீண்டகால சராசரிபிரீமியமான 61%-லிருந்து வெகு தொலைவில் இல்லை.
எதிர்காலத்தில், சீனாவிலிருந்து இந்தியாவுக்கான ஓட்ட சுழற்சி தொடங்கும் என்று எதிர்பார்க்கலாம். பங்குச் சந்தையில் வெளிநாட்டு வாங்குதலின் வேகம் மேலும் அதிகரிக்கக்கூடும். ஆனால் இந்தியாவுக்கும் பாகிஸ்தானுக்கும் இடையிலான அதிகரித்து வரும் பதற்றம் மற்றும் இதுவரை வெளியிடப்பட்ட 2024-25 நிதியாண்டின் 4-வது காலாண்டு (Q4) முடிவுகள் ஆகியவற்றால் இது கட்டுப்படுத்தப்படுகிறது. இந்த எதிர்மறை சார்பு குறுகிய காலத்தில் நீடிக்கும் என்று எதிர்பார்க்கப்படுகிறது, ஆனால் நீண்டகால கண்ணோட்டம் நேர்மறையாகவே உள்ளது.
எனவே, நீண்ட கால முதலீட்டாளர்கள், இந்தியா-பாகிஸ்தான் பதற்றங்களின் முன்னேற்றங்கள் காரணமாக ஏற்படும் எந்தவொரு பங்குச் சந்தை சரிவுகளையும், முறையான அணுகுமுறையுடன் வாங்கும் வாய்ப்பாகக் கருதலாம்.
- sunilsubramaniam27@gmail.com