கற்றதும் பெற்றதும் 2022 | அறிவியல் பயணித்த திசை!

இந்த ஆண்டின் தொடக்கத்தில், தடுப்பூசிகள் பயன்பாட்டுக்கு வரவே கரோனாவை மறக்கத் தொடங்கியிருந்தோம். ஆனால், ஆண்டு தொடங்கிய இரண்டே மாதங்களில் ரஷ்யா-உக்ரைன் போர் மூண்டது. இந்நிகழ்வு அரசியலில் மட்டுமல்ல, அறிவியலிலும் பாதிப்பைக் கொண்டுவந்தது. இத்தகைய சூழலிலும், உலகளவிலும் இந்திய அளவிலும் திருப்பம் தந்த அறிவியல் நிகழ்வுகள் பல நடந்தேறியுள்ளன.

உலகளாவிய அறிவியல் நிகழ்வுகள்: ஜேம்ஸ் வெப் விண்வெளித் தொலைநோக்கி: சந்தேகத்துக்கு இடமின்றி, இந்த ஆண்டின் முக்கிய அறிவியல் நிகழ்வாக ஜேம்ஸ் வெப் தொலைநோக்கி கருதப்படுகிறது. அகச்சிவப்புக் கதிர்களை உள்வாங்கும் இந்தத் தொலைநோக்கியானது, ஹப்பிள் தொலைநோக்கியைவிடத் துல்லியமாகவும் நுணுக்கமான தரவுகளுடனும் ஆழ்புலத்தைப் படம்பிடித்திருக்கிறது.