2022 கற்றதும் பெற்றதும் | பரபரப்பு குறையாத அரசியல் களம்

தமிழக அரசியல் களத்தில், மிகப் பெரிய திருப்புமுனைகளை 2022 தந்துவிடவில்லை. ஆனால், நடக்கவிருக்கும் பல மாற்றங்களுக்கான அச்சாரம் இட்டிருக்கிறது?

ஆளுங்கட்சியான திமுகவைப் பொறுத்தவரை, நகர்ப்புற உள்ளாட்சித் தேர்தலில் பிரம்மாண்டமான வெற்றியைப் பெற்றது. எனினும், நீட் தேர்வை ரத்துசெய்வதாக வாக்குறுதி அளித்திருந்த அக்கட்சி, இந்த ஆண்டும் தொடர்ந்த நீட் மரணங்களால் கடும் நெருக்கடிக்குள்ளானது. மின்கட்டண உயர்வு, சொத்துவரி உயர்வு, ஆதார் கட்டாயம், பரந்தூர் விமான நிலையம் தொடர்பான சர்ச்சை எனத் திமுக அரசு தொடர்ந்து விமர்சனத்துக்கு உள்ளானது.