தியாகராய நகர், வேளச்சேரி, சோழிங்கநல்லூர் உள்ளிட்ட முக்கிய பகுதிகளை உள்ளடக்கியது தென் சென்னை மக்களவைத் தொகுதி. மத்திய அரசின் முதல் நிதியமைச்சர் டி.டி.கிருஷ்ணமாச்சாரி, மறைந்த முன்னாள் முதல்வர் அண்ணா, முன்னாள் குடியரசுத் தலைவர் ஆர்.வெங்கட்ராமன் என மிகப் பெரிய ஆளுமைகள் போட்டியிட்டு வெற்றிபெற்ற தொகுதி இது.
1951-ல் நடந்த முதல் மக்களவைத் தேர்தலில் ‘மெட்ராஸ்’ தொகுதியில் தென் சென்னையும் அடங்கியிருந்தது. தொகுதி மறுசீரமைப்புக்குப் பின், தென் சென்னை தொகுதியில் விருகம்பாக்கம், சைதாப்பேட்டை, தியாகராய நகர், மயிலாப்பூர், வேளச்சேரி, சோழிங்கநல்லூர் தொகுதிகள் இணைக்கப்பட்டன. இதில், தமிழகத்தின் அதிக வாக்காளர்களைக் கொண்டது சோழிங்கநல்லூர் சட்டமன்றத் தொகுதி என்பது குறிப்பிடத்தக்கது.
மிகப் பெரிய வர்த்தக நிறுவனங்களும் தகவல் தொழில்நுட்ப நிறுவனங்களும் இத்தொகுதியில் அமைந்துள்ளன. இந்தத் தொகுதியில் படித்தவர்களின் எண்ணிக்கை அதிகம். பழமை வாய்ந்த கோயில்கள், சுற்றுலாப் பகுதிகள், பிரபலமான கல்வி நிறுவனங்களையும் உள்ளடக்கியதாக உள்ளது இந்தத் தொகுதி. அதிகளவில் அடுக்குமாடி குடியிருப்புகளைக் கொண்ட தொகுதி. வெளிமாநிலத்தவர், வெளிமாவட்டத்தைச் சேர்ந்தவர்கள் பெருமளவில் வசிக்கின்றனர்.
ஒரு சுவாரஸ்யம்: இத்தொகுதி உருவாகி, 34 ஆண்டுகளுக்குப் பின்னர்தான் 1991 மக்களவைத் தேர்தலில் முதல் முறையாக அதிமுக வெற்றியை ருசித்தது. அக்கட்சியின் சார்பில் போட்டியிட்ட ஆர்.ஸ்ரீதரன் வெற்றிபெற்று மக்களவை உறுப்பினரானார். இடம்பெற்றுள்ள சட்டப்பேரவைத் தொகுதிகள்:
⦁ விருகம்பாக்கம்
⦁ சைதாப்பேட்டை
⦁ தியாகராய நகர்
⦁ மயிலாப்பூர்
⦁ வேளச்சேரி
⦁ சோழிங்கநல்லூர்
தென்சென்னை தொகுதி மொத்த வாக்காளர்கள் எண்ணிக்கை: 20,07,816
ஆண் வாக்காளர்கள்: 9,93,590
பெண் வாக்காளர்கள்: 10,13,772
மூன்றாம் பாலின வாக்காளர்கள்:454
முந்தைய தேர்தல்களில் வெற்றிபெற்றவர்கள்:
ஆண்டு | வெற்றி பெற்றவர் | 2-ம் இடம் பிடித்தவர் |
1971 | முரசொலி மாறன், திமுக | நரசிம்மன், சுவராஜ்ய கட்சி |
1977 | வெங்கடராமன். R, காங்கிரஸ் | முரசொலி மாறன், திமுக |
1980 | வெங்கடராமன் R, காங்கிரஸ் | சுலோச்சனா சம்பத் E.V. K., அதிமுக |
1984 | வைஜெயந்திமாலா, காங்கிரஸ் | இரா செழியன், ஜனதா கட்சி |
1989 | வை ஜெயந்திமாலா, காங்கிரஸ் | ஆலடி அருணா, திமுக |
1991 | ஆர். ஸ்ரீதரன், அதிமுக | த. ரா. பாலு, திமுக |
1996 | டி.ஆர். பாலு, திமுக | எச். கணேசம், அதிமுக |
1998 | டி.ஆர். பாலு, திமுக | K. ஜனா கிருஷ்ணமூர்த்தி, பாஜக |
1999 | டி.ஆர். பாலு, திமுக | V. தண்டாயுதபாணி, காங்கிரசு |
2004 | டி.ஆர். பாலு, திமுக | பதர் சயீது, அதிமுக |
2009 | சி. ராஜேந்திரன், அதிமுக | ஆர். எஸ். பாரதி, திமுக |
2014 | DR. ஜெ.ஜெயவர்தன், அதிமுக | டி. கே. எஸ். இளங்கோவன், திமுக |
2019 | தமிழச்சி தங்கப்பாண்டியன், திமுக | DR. ஜெ.ஜெயவர்தன், அதிமுக |
அதிகம் வெற்றி பெற்றவர்கள்: தென் சென்னை மக்களவைத் தொகுதி பெரும்பாலும் திமுக, காங்கிரஸ் வசமே அதிக முறை இருந்துள்ளது. திமுக 8 முறையும், காங்கிரஸ் 5 முறையும், அதிமுக 3 முறையும் வெற்றிபெற்றுள்ளது.
2019-ம் ஆண்டு மக்களவைத் தேர்தலின் நிலவரம்:
2024-ம் ஆண்டு தென்சென்னை மக்களவைத் தொகுதி போட்டியிடும் முக்கிய வேட்பாளர்கள்:
முக்கிய செய்திகள்
தமிழகம்
29 mins ago
இந்தியா
11 mins ago
தமிழகம்
35 mins ago
இந்தியா
41 mins ago
தமிழகம்
1 hour ago
தமிழகம்
1 hour ago
தமிழகம்
1 hour ago
கல்வி
1 hour ago
விளையாட்டு
1 hour ago
தமிழகம்
1 hour ago
விளையாட்டு
1 hour ago
தமிழகம்
2 hours ago