திண்ணை: பாவண்ணனுக்கு இயல் விருது

எழுத்தாளர் பாவண்ணனுக்கு இந்த ஆண்டுக்கான கனடா இலக்கியத் தோட்டம் வழங்கும் ‘வாழ்நாள் சாதனைக்கான இயல் விருது’ அறிவிக்கப்பட்டுள்ளது. எழுத்தாளர், கவிஞர், மொழிபெயர்ப்பாளர் எனப் பன்முகம் கொண்டவர் பாவண்ணன்.

1980களில் எழுதவந்த பாவண்ணன், இதுவரை ‘வாழ்க்கை ஒரு விசாரணை’, ‘சிதறல்கள்’, ‘பாய்மரக் கப்பல்’ ஆகிய மூன்று நாவல்கள், 20 சிறுகதைத் தொகுப்புகள், மூன்று கவிதைத் தொகுப்புகள், 25க்கும் மேற்பட்ட மொழிபெயர்ப்புகள், சிறார் கதைகள், இலக்கியக் கட்டுரைத் தொகுதிகள் போன்ற இலக்கியப் பங்களிப்பைச் செய்துள்ளார்.