மணிப்பூர் இடைத்தேர்தலில் காங்கிரஸ் வெற்றி

மணிப்பூர் மாநிலம் ஹியங்லங்காம் தொகுதிக்கான இடைத்தேர்தலில் ஆளும் காங்கிரஸ் கட்சி வெற்றி பெற்றுள்ளது.

கடந்த 17-ம் தேதி மணிப்பூர் மாநிலம், ஹியங்லங்காம் தொகுதிக்கு இடைத்தேர்தல் நடைபெற்றது. 24,492 வாக்காளர்களை கொண்ட இத் தொகுதியில், 93% பேர் வாக்களித்தனர்.

இத்தொகுதி, முதல்வர் ஒக்ராம் இபோபியின் சொந்த மாவட்டத்தில் இருக்கிறது. இது காங்கிரஸ் கட்சிக்கு கூடுதல் ஆதாயமாக அமைந்தது.

இந்நிலையில், இத்தொகுதியில் காங்கிரஸ் கட்சியின் வேட்பாளார் திஜ்வாமானி இலங்பம் 9008 வாக்குகள் பெற்று வெற்றியடைந்தார்.