கடந்த 2008-ம் ஆண்டு ஃப்ரான்சைஸ் கிரிக்கெட் தொடரான ஐபிஎல் டி20 கிரிக்கெட் தொடர் ஆரம்பமானது. இதில் இதுநாள்வரை ஒரே இன்னிங்ஸில் அதிகபட்ச ரன்கள் எடுத்த டாப் 5 பேட்ஸ்மேன்கள் யார் என்ற பட்டியலை பார்க்கலாம். 

2013 சீசனில் ஆர்சிபி அணிக்காக விளையாடிய கிறிஸ் கெயில், புனே வாரியர்ஸ் அணிக்கு எதிராக 66 பந்துகளில் 175* ரன்கள் எடுத்தார். 

ஐபிஎல் கிரிக்கெட்டின் முதல் சீசனான 2008-ல் ஆர்சிபி அணிக்கு எதிரான ஆட்டத்தில் கொல்கத்தா நைட் ரைடர்ஸ் அணிக்காக விளையாடிய பிரெண்டன் மெக்கல்லம் 73 பந்துகளில் 158* ரன்கள் எடுத்தார். இதுதான் ஐபிஎல் கிரிக்கெட்டின் முதல் ஆட்டம். இது பெங்களுருவில் நடைபெற்றது. 
 

நடப்பு சீசனில் பஞ்சாப் கிங்ஸ் அணிக்கு எதிராக சன்ரைசர்ஸ் ஹைதராபாத் அணியின் அபிஷேக் சர்மா, 55 பந்துகளில் 141 ரன்கள் எடுத்தார். ஐபிஎல் கிரிக்கெட்டில் ஒரு இன்னிங்ஸில் அதிக ரன்கள் குவித்த இந்திய வீரராக இப்போது அவர் திகழ்கிறார். 

கடந்த 2022-ம் ஆண்டு ஐபிஎல் சீசனில் லக்னோ அணிக்காக விளையாடிய குயின்டன் டி காக் 70 பந்துகளில் 140* ரன்களை கொல்கத்தா அணிக்கு எதிராக பதிவு செய்தார். 

கடந்த 2015-ம் ஆண்டு நடைபெற்ற ஐபிஎல் சீசனில் ஆர்சிபி வீரர் டிவில்லியர்ஸ் 59 பந்துகளில் 133* ரன்களை மும்பை இந்தியன்ஸ் அணிக்கு எதிராக பதிவு செய்தார்.