வாக்கிங், ஜாகிங்... - எது மிகவும் நல்லது?

நடைப்பயிற்சி, மெல்லோட்டம் (Jogging) இந்த இரண்டும் சிறந்த உடற்பயிற்சி வகைகளே. உங்கள் தேவை, இலக்கு பொறுத்து ஒன்றைத் தேர்வு செய்யலாம்.

இதய நலன், எலும்பு வலிமை, எடை மேலாண்மை என ஒட்டுமொத்த ஆரோக்கியத்தை ‘வாக்கிங்’ மேம்படுத்துகிறது. இது எல்லா வயதினருக்கும் ஏற்றது.

ஜாகிங் உடன் ஒப்பிடும்போது ‘வாக்கிங்’ குறைந்த அளவில் கலோரிகள் எரிக்கப்படுகின்றன. இதுதான் நடைப்பயிற்சியின் குறைபாடு.

ஜாகிங்கில் அதிக கலோரிகள் எரிக்கப்படுவதால், உடல் எடை விரைவில் குறையும். இதய ஆற்றல் விரைவில் மேம்படும்.

ஜாகிங் மூலம் ரத்த அழுத்தம் நன்கு கட்டுப்படும். நீரிழிவுக் கட்டுப்பாட்டில் விரைவான முன்னேற்றத்தைக் காணலாம்.

ஆனால், ஜாகிங்கை முறைப்படி செய்யத் தவறினாலோ, அதிகமாக மேற்கொண்டாலோ முழங்கால் மூட்டில் குருத்தெலும்புத் தசைகள் சிதைவடையலாம்.

நீங்கள் உடற்பயிற்சியின் ஆரம்பக்கட்டத்தில் இருந்தால் சில மாதங்களுக்கு வாங்கிங் பயிற்சியும், அதைத் தொடர்ந்து ஜாகிங்கும் மேற்கொள்ளலாம்.

‘ஜாகிங்’கை மட்டுமே விரும்புவோர் ஒரு முழுமையான உடல் பரிசோதனைக்குப் பிறகு, மருத்துவர் ஆலோசனையுடன் ஜாகிங் மேற்கொள்ளலாம்.