காதலில் பாய் பிரெண்ட் மட்டுமே பொய் சொல்வார் என்று நினைப்பது தவறு. கேர்ள் பிரெண்ட்களும் நிறைய பொய் சொல்வார்கள். அதுபோன்ற பொய்கள் என்னென்ன?

பொய்: எனக்கு எந்தப் பிரச்சினையும் இல்லை. அர்த்தம்: கேர்ள் பிரெண்ட் இப்படிச் சொன்னால் உஷாராகிவிட வேண்டும்.

இல்லையென்றால், ‘என்னைவிட உன் நண்பர்கள்தான் உனக்கு முக்கியமா’ என்று அடுத்த சில நாட்களிலேயே குத்திக் காட்டிவிடுவார்கள்.

இந்தப் பொய்யை உறுதிப்படுத்திக் கொள்ளும் அளவுக்குச் சாமர்த்தியம் உங்களுக்குத் தேவை. அந்தச்சாமர்த்தியம் உங்களுக்கு இல்லை என்றால் கஷ்டம்தான்.

பொய்: சத்தியமா, கோபப்பட மாட்டேன். அர்த்தம்: பாய் பிரெண்டிடமிருந்து உண்மையை வரவழைக்க விரும்பினால், இந்தப் பொய்யைச் சொன்னால் போதும். 

உண்மையில், அவர் கேட்கும் கேள்விகளுக்கு நீங்கள் உண்மையைச் சொன்னாலும் பிரச்சினைதான். பொய் சொன்னாலும் பிரச்சினைதான் என்பதை நினைவில் கொள்ளுங்கள்.

பொய்: உன் சோஷியல் மீடியா ஸ்டேட்டஸ் பற்றி கவலையில்லை. அர்த்தம்: ரிலேஷன்ஷிப் ஸ்டேட்டஸை ‘கமிட்டட்’ என மாற்ற வேண்டியது அவசியம் எனப் புரிந்துகொள்ளுங்கள்.

பொய்: உன் சம்பளத்தைப் பற்றி அக்கறையில்லை. அர்த்தம்: இது சத்தியமாகப் பொய்தான். பெயருக்குத்தான் சொல்வார்கள். ஆனால், அது உண்மையில்லை. 

நீங்கள் அடிக்கடி பரிசு கொடுக்காவிட்டால், உங்களுக்கு அவர்கள் மீது அன்பு இல்லை என்று உங்கள் கேர்ள் பிரெண்ட் நினைக்க சாத்தியம் அதிகம்.

பொய்: நான் உன்னை மன்னித்து விடுகிறேன். அர்த்தம்: உங்கள் கேர்ள் பிரெண்ட் இப்படிச் சொல்லும்போது, அதை நம்பினால் நீங்கள் ஏமாளிதான். 

பொய்: உன் நண்பர்கள் வந்தால் பிரச்சினை இல்லைப்பா. அர்த்தம்: பாய் பிரெண்ட் தன் நண்பர்களுடன் அதிக நேரம் செலவிடுவதை விரும்பவே மாட்டார். | தகவல்கள்: மிது கார்த்தி