20 - ஆயிரம் விளக்கு

சென்னை ஆயிரம் விளக்கு தொகுதியில் தான் அரசியல் மற்றும் சினிமா பிரபலங்கள் பலர் வசிக்கின்றனர். முதல்-அமைச்சர் ஜெயலலிதா (போயஸ் கார்டன்), திமுக தலைவர் கருணாநிதி (கோபாலபுரம்), முன்னாள் மத்திய மந்திரி ப.சிதம்பரம் (பைகிராப்ட்ஸ் கார்டன் சாலை), நடிகர் ரஜினிகாந்த் (போயஸ் கார்டன்), நடிகர் கார்த்திக் (ஆழ்வார்பேட்டை), நடிகர் பிரபு (தி.நகர்), நடிகர் ராதாரவி (ஆழ்வார்பேட்டை) என பல பிரபலங்கள் வசிக்கும் தொகுதி.

மேலும், அமெரிக்க துணை தூதரகம், வள்ளுவர் கோட்டம், அண்ணா மேம்பாலம், பிரபல மருத்துவமனைகள் மற்றும் வணிக நிறுவனங்கள் அதிகம் நிறைந்த தொகுதி இது. ஏசி வசதி கொண்ட மாநகராட்சி சமுதாய நலக்கூடம் டாக்டர் கிரியப்பா சாலையில் உள்ளது. சென்னை மாநகராட்சியின் 76, 77, 78, 109, 110, 111, 112, 113, 117, 118 ஆகிய வார்டுகள் இந்த தொகுதிக்குள் அடங்கும். இந்த தொகுதியில் திமுக 9 முறையும், அதிமுக 4 முறையும் வெற்றி பெற்றுள்ளன. குறிப்பாக திமுக சார்பில் மு.க.ஸ்டாலின் இந்த தொகுதியில் போட்டியிட்டு 4 முறை வெற்றி பெற்றிருக்கிறார்.

2016 தேர்தலில் களம் காணும் வேட்பாளர்கள் விவரம்

போக்குவரத்து நெரிசல், குடிநீர் தட்டுப்பாடு, அதிகமான கொசுத் தொல்லை ஆகிய மூன்றும் இங்கு பெரும் பிரச்சினையாக உள்ளது. அனைத்து சமூக மக்களும் இங்கு வசித்தாலும், தாழ்த்தப்பட்ட மக்கள் சுமார் 40 சதவீதம் பேர் இந்த தொகுதியில் உள்ளனர்.

2011-ம் ஆண்டு நடந்த சட்டமன்ற தேர்தலில் அதிமுக வேட்பாளர் பா.வளர்மதி 67,522 வாக்குகள் பெற்று வெற்றி பெற்றார். திமுக வேட்பாளராக போட்டியிட்ட அசன் முகமது ஜின்னா தோல்வி அடைந்தார். இத்தொகுதியில் 1 லட்சத்து 19 ஆயிரத்து 944 ஆண் வாக்காளர்கள், 1 லட்சத்து 23 ஆயிரத்து 364 பெண் வாக்காளர்கள், 78 இதர வாக்காளர்கள் என மொத்தம் 2 லட்சத்து 43 ஆயிரத்து 386 வாக்காளர்கள் உள்ளனர்.

29/04/2016-ன்படி வாக்காளர்கள் விவரம்:

2016 சட்டப் பேரவை தேர்தல்- வாக்கு விவரங்கள்

ஆயிரம் விளக்கு தொகுதி கடந்து வந்த தேர்தல்கள் (1977 - 2011 )

2006 தேர்தல் ஒரு பார்வை

2011 - தேர்தல் ஒரு பார்வை