மதுரை மாநகராட்சியில் பழைய மென்பொருள் மூலம் கட்டிட வரைபட அனுமதி பெறும் காலக்கெடு, வரும் 30 -ம் தேதி வரை நீட்டிக்கப்பட்டுள்ளது என்று ஆணையாளர் கா.ப.கார்த்திகேயன் தெரிவித்தார்.
இதுகுறித்து அவர் வெளியிட்ட அறிக்கை: மதுரை மாநகராட்சியில் மாநில அளவிலான UTIS மென்பொருள் மூலம் கட்டிட வரைபடத்தை பரிசீலனை செய்து அனுமதி வழங்கும் புதிய முறை நடைமுறைபடுத்தப்பட்டுள்ளது.
பழைய மென்பொருள் SMART DCR-ன் மூலம் பதிவேற்றம் செய்து ஏற்கெனவே கட்டணம் செலுத்தி நிலுவையிலுள்ள கோப்புகளை பழைய மென்பொருளின் வாயிலாகவே அனுமதி பெற்றுக் கொள்ளும் வசதி இம்மாதம் 30-ம் தேதி வரை மட்டும் நீட்டிக்கப்பட்டுள்ளது. எனவே ஏற்கெனவே விண்ணப்பித்து ஆவணங்களுக்காக திருப்பி அனுப்பப்பட்ட நிலையில் உள்ள விண்ணப்ப தாரர்கள் அனைவரும் இவ்வாய்ப்பைப் பயன்படுத்தி பயன்பெற்று கொள்ளுமாறு கேட்டுக் கொள்ளப்படுகிறார்கள்.
இவ்வாறு அவர் அந்த அறிக்கையில் தெரிவித்துள்ளார்.