திருச்சியை சேர்ந்த தடகள வீரரான ஏ.சூராஜ் தேசிய அளவில் டெல்லியில் அக்டோபர் மாதம் நடைபெற்ற 18 வயதுக்குட்பட்டோருக்கான பிரிவில் 400 மீட்டர் ஓட்டப் போட்டியில் வெள்ளிப் பதக்கம் வென்றுள்ளார்.
அதன்பின், சென்னையில் நடைபெற்ற ஆண்களுக்கான மாநில தடகளப் போட்டியில் 400 மீட்டர் ஓட்டப் போட்டியில் வெண்கலப் பதக்கம் வென்றுள்ளார்.
இவர் நேற்று காலை திருச்சிக்கு வருகை தந்தார். இவருக்கு திருச்சி மாவட்ட தடகள சங்கம் மற்றும் மக்கள் சக்தி இயக்கம் சார்பில் வரவேற்பு அளிக்கப்பட்டது.
இந்த நிகழ்ச்சியில், தடகள சங்கச் செயலாளர் டி.ராஜூ, பொருளாளர் ரவிசங்கர், மக்கள் சக்தி இயக்க பொருளாளர் கே.சி.நீலமேகம் மற்றும் நிர்வாகிகள் பங்கேற்றனர்.