தென்காசி காசிவிஸ்வநாத சுவாமி கோயிலின் உப கோயிலான குலசேகரநாத சுவாமி கோயில், தென்காசியில் புதிதாக கட்டப்பட்டுள்ள ஒருங்கிணைந்த நீதிமன்ற கட்டிடம் அருகில் உள்ளது. இந்த கோயிலில் கடந்த 2010-ம் ஆண்டு ஜூன் மாதம் 23-ம் தேதி திருக்குட நன்னீராட்டு விழா நடைபெற்றது. இதையடுத்து, கோயிலில் 11-வது வருஷாபிஷேக விழா நேற்று காலை 8.30 மணி முதல் 10 மணிக்குள் நடைபெற்றது. கரோனா பரவல் காரணமாக பக்தர்கள் பங்கேற்பில்லாமல் முத்துக்கிருஷ்ண சிவாச்சாரியார் தலைமையில் யாகசாலை பூஜைகள் நடத்தப்பட்டு, விமானக் கலசங்களுக்கு அபிஷேகம் நடைபெற்றது.