சிலர் பொது முடக்கத்தை மதிக்காமல், சாலைகளில் சுற்றித் திரிகின்றனர். அவ்வாறு சுற்றியவர்களிடம் இருந்து கடந்த 16-ம் தேதி முதல் 18-ம் தேதி வரை விழுப்புரம் மாவட்டம் முழுவதும் 330 இருசக்கர வாகனங்கள், 2 மூன்றுசக்கர வாகனங்கள், 5 நான்குசக்கர வாகனங்கள் என 337 வாகனங்கள் பறிமுதல் செய்யப்பட்டுள்ளன. இந்நிலையில் நேற்று விழுப்புரம் சிக்னல் அருகே கரோனா தொற்று தடுப்பு வழிகாட்டு முறைகளை மீறிய வாகன ஓட்டிகளை, சுகாதாரத் துறையினர் முன்னிலையில் போலீஸார் கரோனா தடுப்பு உறுதிமொழியை எடுக்க வைத்தனர்.