வேலூர் சட்டப்பேரவைத் தொகுதிக்கு தேர்தல் செலவின பார்வையாளராக ஆதர்ஷ் ஹர்ஷ் நியமிக்கப்பட்டுள்ளார். இவரது தலைமையிலான குழுவினர் தேர்தல் செலவினங்கள் குறித்துஆய்வு செய்யும் பணியை வேலூர் வட்டாட்சியர் அலுவலகத்தில் நேற்று (26-ம் தேதி) தொடங்கி யுள்ளனர்.
அதன்படி, வரும் 30-ம் தேதியும், ஏப்ரல் 4-ம் தேதியும் வேட்பாளர்கள் தேர்தல் தொடர்பான தினசரி செலவினம் குறித்த தணிக்கை மேற்கொள்ள உள்ளனர். எனவே, மேற்கண்ட தேதிகளில் காலை 10 மணி முதல் மாலை 5 மணிக்குள் வேட்பாளர்கள் அல்லது வேட்பாளர்களால் நியமிக்கப்பட்ட முகவர்கள், தேர்தல் செலவின விவரங்கள், ஆவணங்களை தணிக்கை குழுவின் முன்பாக ஆய்வுக்கு உட்படுத்த வேண்டும் என வேலூர் தொகுதிக்கான தேர்தல் நடத்தும் அலுவலர் கணேஷ் வெளியிட்டுள்ள செய்திக்குறிப்பில் தெரிவித் துள்ளார்.