ஆதித்தமிழர் கட்சியின் சேலம், நாமக்கல் மண்டலக் கூட்டம் நாமக்கல்லில் நடைபெற்றது.கட்சியின் மாநிலத்தலைவர் கு.ஜக்கையன் தலைமை வகித்தார். கட்சியின் பொதுச் செயலாளரும், மண்டல தேர்தல் பொறுப்பாளருமான சுப.இளங்கோவன் தீர்மானங் களை விளக்கிப் பேசினார்.
கூட்டத்தில், அருந்ததியர் சமூகத்திற்கு உள் இட ஒதுக்கீடு உள்ளிட்ட பல்வேறு நலத்திட்டங்களை வழங்கியுள்ள திமுக மற்றும்அதன் கூட்டணிக் கட்சியினருக்கு சட்டப்பேரவை தேர்தலில் ஆதரவளிப்பது என தீர்மானம் நிறைவேற்றப்பட்டது.
மாநில அமைப்புச் செயலாளர் திலீபன், துணைப் பொதுச் செயலாளர் அறிவழகன், மாநில தொழிற்சங்க தலைவர் துரை அமுதன், நாமக்கல் கிழக்கு மாவட்ட செயலாளர் பிரேம்குமார், மேற்கு மாவட்ட செயலாளர் தாமோதரன் உள்பட பலர் கலந்து கொண்டனர்.