திருவாரூர் மாவட்டம் மன்னார்குடி அருகே வடுவூர் வடபாதியில் மாநில அளவிலான கபடி போட்டி மார்ச் 14, 15-ம் தேதிகளில் நடைபெற்றது.
இந்தப் போட்டியில் சென்னை, நெல்லை, மதுரை, கன்னியாகுமரி, கோவை, திருச்சி, தஞ்சை, திருவாரூர் உட்பட மாநிலம் முழுவதும் இருந்து 30-க்கும் மேற்பட்ட அணிகள் கலந்துகொண்டன. அரையிறுதிப் போட்டியில் சென்னை ஜெயின் கல்லூரி அணி, கரியாப்பட்டி தஞ்சை அணியையும், சென்னை மத்திய கலால் துறை அணி, ஒக்கநாடு மேலையூர் முருகானந்தம் மெமோரியல் அணியையும் வென்று இறுதிப்போட்டிக்கு தகுதி பெற்றன. இறுதிப் போட்டியில் சென்னை ஜெயின் கல்லூரி அணி, மத்திய கலால் துறை அணியை 21- 17 என்ற புள்ளிக்கணக்கில் வென்றது. தொடர்ந்து நடைபெற்ற பரிசளிப்பு விழாவில், வெற்றி பெற்ற அணிகளுக்கு திருவாரூர் மாவட்ட அமெச்சூர் கபடி கழக மாவட்டச் செயலாளர் ராஜேந்திரன் தலைமையில் கேடயம் மற்றும் பரிசுகள் வழங்கப்பட்டன.