2021 தேர்தலில் போட்டியிடும் முக்கிய வேட்பாளர்கள் விபரம்:
| வேட்பாளர்கள் பெயர் | கூட்டணி |
|---|---|
| கிருஷ்ணன் | அதிமுக |
| தே.மதியழகன் | திமுக |
| எஸ்.கணேஷ்குமார் | அமமுக |
| அருண்கெளதம் | மக்கள் நீதி மய்யம் |
| க.கருணாகரன் | நாம் தமிழர் கட்சி |
ஊத்தங்கரை சட்டப்பேரவை தொகுதியில் இருந்து கடந்த 1977-ம் ஆண்டு பர்கூர் தொகுதி உதயமானது. கடந்த 1991ம் ஆண்டு இந்த தொகுதியில் தமிழக முதல்வர் ஜெயலலிதா, போட்டியிட்டு வெற்றி பெற்றதால், தொகுதி வளர்ச்சி பெற்றது.
2011ம் ஆண்டு தொகுதியில் மறுசீரமைப்பின் போது, காவேரிப்பட்டணம், கிருஷ்ணகிரி தொகுதியில் இருந்து புதிய ஊராட்சிகள் இணைக்கப்பட்டது. இந்த தொகுதியில் தமிழ், தெலுங்கு மொழி பேசுபவர்கள் அதிகம் வசித்து வருகின்றனர்.
மா சாகுபடியில் முன்னணி வகிக்கும் இந்த தொகுதியின் தலைநகரான பர்கூர் குட்டி சூரத் என்று அழைக்கப்படும் அளவிற்கு ஜவுளி தொழிலில் சிறந்து விளங்குகிறது.
மழை குறைவு, ஆந்திரா மாநில வனப்பகுதியில் கட்டப்பட்ட தடுப்பணைகளால், கோடை காலங்களில் குடிநீருக்கு தட்டுப்பாடு நிலவுகிறது.
பெரும்பான்மை சமுதாயம்:
தொகுதியில் வன்னியர் சமூகத்தினர் அதிகம் உள்ளனர். சிந்தகம்பள்ளி, தொகரப்பள்ளி, மங்கலபட்டி, கிட்டனூர், நக்கல்பட்டி, ஐகுந்தம்புதூர், ஐகுந்தம் உள்ளிட்ட பகுதிகளில் கொங்கு வேளாள கவுண்டர் சமூகத்தினர் பரவலாக உள்ளனர்.
பர்கூர், பி.ஆர்.ஜி.மாதேப்பள்ளி, பெருகோபனபள்ளி, சத்தலப்பள்ளி, வரட்டனப்பள்ளி ஆகிய இடங்களில் 24 மனை தெலுங்கு செட்டி சமூகத்தினரும், குருவிநாயனபள்ளி, சின்னமட்டாரபள்ளி, காரகுப்பம் ஆகிய பகுதிகளில் பல்ஜி நாயுடு சமூகத்தினரும், போச்சம்பள்ளி பகுதிகளில் வால்மீகி நாயுடு இனத்தவர்கள் அதிக அளவில் உள்ளனர். தொகுதி முழுவதும் ஆதிதிராவிடர் சமூகத்தினர் பரவலாக உள்ளனர்.
தொகுதியின் பிரச்சினைகள்:
போச்சம்பள்ளி வட்டம், புதியதாக உருவாக்கப்பட்ட பர்கூர் வட்டம், ஜெகதேவி பகுதியில் உள்ள கிரானைட் மெருகூட்டும் நிலையங்கள், பர்கூர் சிப்காட், போச்சம்பள்ளி சிப்காட் மற்றும் சிறு, குறு நிறுவனங்களும் தன்னகத்தே கொண்டு உள்ளது. பர்கூர் தொகுதியில் செல்லும் கிருஷ்ணகிரி - திண்டிவனம் சாலை சீர் நீண்ட நாட்களாகியும் சீரமைக்கப்படவில்லை என்பது பெரிய குறையே.
தமிழகத்தின் மிகப்பெரிய சந்தையான போச்சம்பள்ளி சந்தை மேம்படுத்தப்படவில்லை.
34 ஊராட்சிகள், பேரூராட்சி பகுதிகள் உள்ளிட்டவற்றுக்கு ஒகேனக்கல் கூட்டுகுடிநீர் வரவில்லை. விவசாயத்திற்கும் போதிய தண்ணீர் இல்லை. படேதலாவ் ஏரி திட்டம், தென்பெண்ணை ஆற்று நீரை மின்மோட்டார் மூலம் ஓதிக்குப்பம் ஏரிக்கு நிரப்பிட வேண்டும் உள்ளிட்ட திட்டங்கள் கானல் நீராகவே உள்ளதாக கூறுகின்றனர் விவசாயிகள்.
கட்சிகளின் வெற்றிகள்:
கடந்த 1991ம் ஆண்டு இந்த தொகுதியில் தமிழக முதல்வர் ஜெயலலிதா, போட்டியிட்டு வெற்றி பெற்றதால், தொகுதி வளர்ச்சி பெற்றது.
1996ம் ஆண்டு நடந்த தேர்தலில் திமுக வேட்பாளர் இ.ஜி.சுகவனத்திடம், ஜெயலலிதா தோல்வியை தழுவினார்.
கடந்த கால தேர்தல்களை பொறுத்தவரை அதிமுக அதிக முறை வெற்றி பெற்ற தொகுதியாகவே பர்கூர் தொகுதி திகழ்கிறது. கடந்த 1971ம் ஆண்டு முதன்முதலாக தொகுதி உருவாக்கப்பட்ட போதும், 1996 மற்றும் 2009ம் ஆண்டு நடந்த தேர்தல்களில் திமுக வெற்றி பெற்றது. அதிமுக வேட்பாளர்கள் 1977, 1980, 1984, 1989, 1991, 2001, 2006, 2011, 2016 ஆகிய தேர்தலில் வெற்றி பெற்று உள்ளனர். 2009-ம் ஆண்டு நடந்த இடைத்தேர்தலில்திமுக உறுப்பினர் கே.ஆர்.கே நரசிம்மன் வெற்றி பெற்றார்.
2020-ன்படி வாக்காளர்கள் விவரம்:
| ஆண் | 120188 |
| பெண் | 121807 |
| மூன்றாம் பாலினத்தவர் | 14 |
| மொத்த வாக்காளர்கள் | 242009 |
2016 தேர்தல் வேட்பாளர்கள் விவரம்
| வரிசை எண் | வேட்பாளர் | கட்சி |
| 1 | சி.வி.ராஜேந்திரன் | அதிமுக |
| 2 | இ.சி. கோவிந்தராசன் | திமுக |
| 3 | எம்.ஆர். ராஜேந்திரன் | தமாகா |
| 4 | அ.குமார் | பாமக |
| 5 | ஆர்.மணிவண்ணன் | பாஜக |
| 6 | பெ. ஈஸ்வரன் | நாம் தமிழர் |
தொகுதி கடந்து வந்த தேர்தல்கள் ( 1971 - 2009 )
| ஆண்டு | வெற்றிபெற்றவர் | கட்சி |
| 1971 | K.R.கிருஷ்ணன் | திராவிட முன்னேற்றக் கழகம் |
| 1977 | ஆறுமுகம் | அனைத்திந்திய அண்ணா திராவிட முன்னேற்றக் கழகம் |
| 1980 | துரைசாமி | அனைத்திந்திய அண்ணா திராவிட முன்னேற்றக் கழகம் |
| 1984 | T.M.வெங்கடாச்சலம் | அனைத்திந்திய அண்ணா திராவிட முன்னேற்றக் கழகம் |
| 1989 | K.R.ராஜேந்திரன் | அதிமுக ஜெ |
| 1991 | ஜெ ஜெயலலிதா | அனைத்திந்திய அண்ணா திராவிட முன்னேற்றக் கழகம் |
| 1996 | E.G.சுகவனம் | திராவிட முன்னேற்றக் கழகம் |
| 2001 | M.தம்பிதுரை | அனைத்திந்திய அண்ணா திராவிட முன்னேற்றக் கழகம் |
| 2006 | M.தம்பிதுரை | அனைத்திந்திய அண்ணா திராவிட முன்னேற்றக் கழகம் |
| 2009 | K.R.K.நரசிம்மன் | திராவிட முன்னேற்றக் கழகம் |
| 2006 சட்டமன்ற தேர்தல் | 52. பர்கூர் | ||
| வரிசை எண் | வேட்பாளர்கள் | கட்சி | பதிவான வாக்குகள் |
| 1 | M. தம்பிதுரை | அ.தி.மு.க | 61299 |
| 2 | V. வெற்றிசெல்வன் | தி.மு.க | 58091 |
| 3 | K.V. கோவிந்தராஜ் | தே.மு.தி.க | 11157 |
| 4 | C. நாராயணசாமி | சுயேட்சை | 5666 |
| 5 | R. மணி | என்.சி.பி | 2519 |
| 6 | K. வெங்கடேசன் | சுயேட்சை | 1460 |
| 7 | R. சரவணன் | சுயேட்சை | 987 |
| 8 | A. இளவரசன் | பி.எஸ்.பி | 765 |
| 9 | B. சுப்பிரமணியன் | பி.ஜே.பி | 679 |
| 10 | K. அசோகன் | சுயேட்சை | 567 |
| 11 | K. குணசேகரன் | சுயேட்சை | 473 |
| 143663 |
2016 சட்டப் பேரவை தேர்தல்- வாக்கு விவரங்கள்
| 2011 சட்டமன்ற தேர்தல் | 52. பர்கூர் | ||
| வரிசை எண் | வேட்பாளர்கள் | கட்சி | பதிவான வாக்குகள் |
| 1 | K.E. கிருஷ்ணமூர்த்தி | அ.தி.மு.க | 88711 |
| 2 | T.K. ராஜா | பாமக | 59271 |
| 3 | K. அசோகன் | பி.ஜே.பி | 2314 |
| 4 | K. வெங்கடேசன் | யு.எம்.கே | 1611 |
| 5 | C. விஜயகுமார் | சுயேட்சை | 1512 |
| 6 | K. சக்திவேல் | சுயேட்சை | 1307 |
| 7 | C. கிருஷ்ணமூர்த்தி | சுயேட்சை | 1279 |
| 8 | R. கோவிந்தராஜ் | சுயேட்சை | 1106 |
| 9 | M. சரவணமூர்த்தி | சுயேட்சை | 656 |
| 10 | D. குப்புசாமி | சுயேட்சை | 596 |
| 158363 |