திருச்சி திருவானைக்காவல் ஜம்புகேஸ் வரர்- அகிலாண்டேஸ்வரி கோயிலில் தை தெப்பத் திருவிழா நேற்று கொடியேற் றத்துடன் தொடங்கியது.
பஞ்சபூத தலங்களில் நீர்த் தலமாக விளங்குவது திருவானைக்காவல் ஜம்பு கேஸ்வரர்- அகிலாண்டேஸ்வரி கோயில். இந்தக் கோயிலில் ஆண்டுதோறும் தைத் தெப்ப திருவிழா 12 நாட்கள் நடைபெறும். இதன்படி, நிகழாண்டு தை தெப்ப திருவிழா நேற்று மாலை கொடியேற்றத்துடன் தொடங்கியது. ஜன.28-ம் தேதி வரை திருவிழா நடைபெறும்.
கொடியேற்றத்தையொட்டி, கொடி மரம் அருகே சிறப்பு அலங்காரத்தில் சுவாமி, அம்மன் எழுந்தருளினர். அப்போது, கொடி மரத்துக்கு புனித நீர் ஊற்றி அபிஷேகம், சிறப்பு வழிபாடு நடத்தப்பட்டு, கொடி ஏற்றப்பட்டது.
பின்னர், சிறப்பு அலங்காரத்தில் சுவாமி- அம்மன் 4-ம் பிரகாரத்தில் வீதியுலா வந்து கோயிலை வந்தடைந்தனர். தினமும் சுவாமி, அம்மன் பல்வேறு வாகனங்களில் வீதியுலா வருவர்.
தை தெப்ப உற்சவத்தின் முக்கிய நிகழ்ச்சியான தெப்ப உற்சவம் ஜன.27-ம் தேதி நடைபெறும். அன்று இரவு 7 மணியளவில் திருவானைக்காவல் டிரங்க் ரோடு அருகேயுள்ள ராமதீர்த்த குளத்தில் அலங்கரிக்கப்பட்ட தெப்பத் தில் சுவாமியும், அம்மனும் எழுந்தருளி தெப்ப உற்சவம் கண்டருளுவர்.
விழாவுக்கான ஏற்பாடுகளை கோயில் உதவி ஆணையர் மாரியப்பன் மற்றும் பணியாளர்கள் மேற்கொண்டுள்ளனர்.