திமுக தேர்தல் அறிக்கை தயாரிப்புக் குழு கருத்து கேட்புக் கூட்டம், விருதுநகரில் நேற்று நடைபெற்றது.
சட்டமன்ற பொதுத்தேர்தல் 2021-க்கான திமுக தேர்தல் அறிக்கை தயாரிப்புக் குழு கருத்து கேட்புக் கூட்டம் விருதுநகரில் நேற்று நடைபெற்றது. திமுக பொருளாளரும், நாடாளுமன்றக் குழுத் தலைவருமான டி.ஆர்.பாலு எம்.பி., கொள்கை பரப்புச் செயலாளரும் மாநிலங்களவை குழுத் தலைவருமான திருச்சி சிவா எம்.பி., கட்சியின் செய்தித் தொடர்புச் செயலாளர் டி.கே.எஸ்.இளங்கோவன் எம்.பி. ஆகியோர் பங்கேற்று கருத்துகளைக் கேட்டறிந்தனர். இதில், வடக்கு மற்றும் தெற்கு மாவட்ட நிர்வாகிகள் தங்களது கருத்துகளைத் தெரிவித்தனர். திமுக தெற்கு மாவட்டச் செயலாளர் சாத்தூர் ராமச்சந்திரன் எம்எல்ஏ, வடக்கு மாவட்டச் செயலாளர் தங்கம் தென்னரசு எம்எல்ஏ, தனுஷ்குமார் எம்பி, விருதுநகர் எம்எல்ஏ சீனிவாசன் உட்பட பலர் கலந்து கொண்டனர்.