ரங்க நாச்சியார் ஊஞ்சல் உற்சவம் தொடங்கியது

ரங்கம் ரங்கநாதர் கோயில் ரங்க நாச்சியார் ஊஞ்சல் உற்சவம் நேற்று முன்தினம் தொடங்கியது. நவ.20-ம் தேதி வரை நடைபெற உள்ள இந்த ஊஞ்சல் உற்சவத்தின் 2-ம் நாளான நேற்று மாலை 5.30 மணிக்கு ரங்க நாச்சியார் மூலஸ்தானத்திலிருந்து புறப்பட்டு, மாலை 6 மணிக்கு ஊஞ்சல் மண்டபம் வந்தடைந்தார். அங்கு இரவு 7 மணி முதல் 8 மணிவரை ஊஞ்சல் உற்சவம் கண்டருளினார். பின்னர், 8.45 மணிக்கு ஊஞ்சல் மண்டபத்திலிருந்து புறப்பட்டு, இரவு 9 மணிக்கு மூலஸ்தானம் சென்றடைந்தார். ஊஞ்சல் உற்சவ நாட்களில் மாலை 3 மணி முதல் மாலை 5.30 மணிவரை மூலவர் சேவை கிடையாது. விழாவுக்கான ஏற்பாடுகளை கோயில் அறங்காவலர் குழுத் தலைவர் வேணுசீனிவாசன், இணை ஆணையர் ஜெயராமன், உதவி ஆணையர் கந்தசாமி, அறங்காவலர்கள் மற்றும் பணியாளர்கள் செய்து வருகின்றனர்.